Popular Bible Verses from Jon 17

Share

Emrere isak ma tidue lem bokongon e tididi lem pelengon ka lokono vala. Kesua lem pelengon iye pelengon lokono vala.

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

“E ngawai itau ke wom ke lou osep vala kovok. Aurou. Ngawai itau ke osep ka aitno lisak ma la dagar ke ngong batne ke urok pelengon blang. Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

E ngawai itau ke wom ma empi isak ke taklak kovok. Aurou. Ngawaiki amplau isak itau ma Satan karanga due pogle ke isak kovok.

Lou elio itau lokono e lou arit ka omba ka amkare ke ngong ngakare ke isak ma aitno lisak karanga dong kene pulu eriar langka aitno lite dong kene pulu. Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”