Popular Bible Verses from Jon 19

Share

Alo ka Yesus inim aki wain ka meli iye wai langane. “Lou bokongon yagos.” Deka apna duru e iye mete.

E Yesus mana ke ina akai e ile wan ka pula keniye ka Ida Tapolngon waiki iye due isak yagos kodong. E ma Ida Tapolngon ila pelengon ka oglou gute napapra-ngan ina gesa sogoe polou lokono iye wai langane. “Kre lungong kakrak e ngawaiki nga­inim aki.”

Alo ka Yesus vati tna e ila disaipel ka iye lana iye omba ke iye tivri olwo boto iye wai ke tna langane. “Nina oku ane gute are langka etim arang.” Deka iye wai ke ila disaipel langane. “Oku ane apmang are langka ngap aiya.” E ke alo ari e la ine Yesus ila disaipel tonari due apmang e iye dong ke ila ninu kap iye.

E alo ka tipolou ke Yesus tivati iye mete kodong e tibong kamla kovok. E gute ola ina kene mter Yesus galna ke ola e suong marau e aki baser polou.

Elio ane polou ma pelengon ka dong ke Ida Tapolngon ila pelengon palma ma polou lokono. Pelengon tonari langane. “Osep ma tibong erine kene vala kovok.” E Ida Tapolngon ila pelengon palma silang wai langane. “Osep ma tivati gute ka oglou timter iye.”

Deka osep ola ina tidue Yesus e tipaur iye tisongon armok e Yesus kalke ina akai. E isak kla ke omur ka tisire omur ka baraine erine e ke pelengon Hibru tisire Golgota.

E tipilai galou marak e tidue lelei Yesus baraine e titnei iye ke molo ka edimor langka osep ka tivri mgo ke omur omur urok baresngen.