Popular Bible Verses from Matyu 16

Share

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

E ngawai ke wom langane. Angain wom Pita e ke opmu ane ma ngauri lou sios e wan bitna bitna e metengen blang tikaranga timole kovok.

Ma ngakar ki ke omur heven ka Ida Tapolngon plaue ke wom e wan ka amdangdange ke taklak ma Ida Tapolngon dangdange ke omur heven e wan ka omsongone ke taklak ma Ida Tapolngon songone ke omur heven.”

Kesua gute ka waiki ila mosongon dong ke taklak ane ma ila mosongon imina la. E gute ka ila mosongon imina ke taklak ane batne iye didi ngong ma iye pado ila mosongon ka lokono.

Langka gute due wan keniye ka taklak ina e dau ila mosongon imina ma iye due wansua? Koke ma gute kar wansua ma iye due ila mosongon?

E Yesus pmi isak langane. “E aitno lumu lange? Ngong sei?” E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

E Yesus koli wai ke iye langane. “Ngawai lokono ke wom Saimon ka Jon otno arang. Aitno lugom ma dong itau itau kesua gute kene ka taklak ina nis wom ine kovok. Aurou. Livou ka dong ke omur heven nis wom ine.