Popular Bible Verses from Matyu 19

Share

E Yesus bitna nekek ke isak e iye wai langane. “Osep vala tikaranga tidue urok mosongon ka dong vala dong kovok e Ida Tapolngon vala karanga due kesua iye karanga due wan ka pula keniye.”

E tidong langka osep orwo kovok e tipolou langka gute kene vala. E wan ka Ida Tapolngon due blet pulu ma gute gesa pi isak notrum kovok.”

E Yesus koli wai langane. “Umeritim Ida Tapolngon ila pelengon kovok i? Ke oglou lila me Ida Tapolngon tapol osep isak arang e apmang. E iye wai langane. ‘Ke batne ane gute ma songon timla e tna e blet ke ila asap e isak orwo tipolou langka isak gute kene vala.’

E Yesus wai ke isak langane. “Umosongon agau time ke ngong e umadangdang isak kovok kesua omur heven ka Ida Tapolngon plaue urok omur.”

E dau osep pula ka timgo oku ane ma time batne e osep pula ka time batne oku ane ma timgo.”

E gute gesa ka songon ila ninu koke ina saiver koke ina titovro koke sulutno koke timla koke tna koke titno koke ila yage kesua batne iye didi ngong ma iye due wan tonari polou langka aling bunokene. E ma iye due mosongon ka dong vala dong.

E Yesus wai ke iye langane. “Langka amwaiki ompolou itau lokono e omdue mosongon ka dong vala dong amla omdue burong ke lem brokngon e amkar lem mani ke osep ka urok wan isuk boto vala. Omdue langane e ma omdue lem wan itau lokono ka dong ke omur heven deka omo emdidi ngong.”

E Yesus koli wai langane. “Ina lange empmi ngong ke wan ka itau? Ida Tapolngon vala iye itau. Emini e emdidi Moses ila pelengon dagar langka amwaiki omdue mosongon ka dong vala dong.”

Ngawai ke umu blang langane. Langka ongwa omba langka kamel waiki sep ke bitna ke nil sisirngen ina are langka gute ka ila mani pula waiki sep ke omur heven ka Ida Tapolngon plaue. Isak orwo engil lokono.”

E ngawai ke umu langane. Langka gute ila asap due okwa kovok e dau iye dar ila gingen e gi apmang silang iye due okwa.”

E Yesus wai ke ila disaipel langane. “Ngawai lokono ke umu langane. Are engil ma osep ka urok mani pula tisep ke omur heven ka Ida Tapolngon plaue.