Popular Bible Verses from Mak 8

Share

E gute ka waiki ila mosongon dong ke taklak ane ma iye bure e ma ila mosongon imina. E gute ka pli tarna e mete kesua batne iye didi ngong e Ida Tapolngon ila omon itau ma ila mosongon dong.

Langka gute gesa due brokngon ka pula keniye ka tidong ke taklak ma isak keniye ila wan deka iye mete ma brokngon lua iye ke ila mosongon? Ma ila brokngon tonari karanga lua iye? Aurou.

Deka Yesus gi osep pula kap ila disaipel ma time tipolou ke iye deka iye wai ke isak langane. “Langka gute gesa waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Langka gute gesa waiki kli mosongon ka itau ka dong vala dong ma iye uri mani ka lange ine? Eknikane osep ka pula keniye ka tidong ke taklak ane tidong tidar Ida Tapolngon ila pelengon dagar e tipul dogur ke iye. Langka gute gesa mnak iye ke ngong e ke lou pelengon io mase ma ngong mnak ngong ke iye. Alo ka ngong ka Gute Ka Polou Langka Osep ngabauluk ke taklak blang kap Livou ila bublongon e ila ensel ka itau ma ngong mnak ngong ke gute tonari.”

Deka iye pmi isak langane. “E umu umawai ngong sei?” Deka Pita koli wai langane. “Wom gute ka Ida Tapolngon rere Krais ma iye lua osep.”