Popular Bible Verses from Kejadian Uram 28

Share

Niryi dib en uram aryi ebkun ara dantam yibanmaminya nirya, Niryi kansi tuba kalikoka milinkwankin. A kalikankinyi tok asi a mutuk dam tubto boboka tamuryankwankin. Niryi a uram talak ebkin dinyi ara ni luba kum kibkwan. Eda, iya dib kunubkwan dinyi kansi ebkin,” ebmou.

Ura, ton diramwe uca, Yakub er dam asi, Er Iya Erebdobnyi a tingyanmouci, ato ebmou, “Nira Iya Erebdobnyi, Nira kan abwe Abraham si weik eboka Moloranounyi, kan nai Ishak si weik eboka Molonururnyi yandoka tikman. Kan a mabmarim dikum ara Niryi kan ab, kan yaldakwandim nang ab ati, aminda karebkwansin.

Ura, Yakub bukokmouci, ato ebmou, “Nai e, Er Iya Erebdobnyi bira a dikum kobdob asi dib kurur, ni kum bikmonwe ake!” ebmou.

Ura, Yakub biryi Er Iya Erebdobnyi bisi uram talak ato ebmou, “Sangkuna ni yibaranyi dikum tuba milinkwaniminyi ura, ni bisik yibaraniryi, yibde yibankwanyi kwaning ab, ni ongoboka yibankwanyi ongon aling ab karenkwanurum. Ba, ni bisik dam yuk-yuk mambul dinyi ni dam yangana kum uca, teleb akwe ni atei tubto tamuboka bindobniryi, Kan Iya Erebdobnyi bisi ni Nai kiboka, ni Molonanyi kibkwankin ati ebman. Ba, niryi keil a dikde welebmanci, tikeibne keil dam asi Er Imtamnyi ai kiboka moloryangankwaming. Ba, a keil si ara, ‘Er Imtamnyi Ai,’ eboka si dobne. Utotoa nirya nisi karebkwanirim dinyi ara meici kukoka olong takubaryi bok, tentok ara Kanti tamurkarenkwankin,” ebmou.

Kanci yaldakwandim ninyi ara me wininga ato kubkwande. Ani, kan yaldakminyi mabwe aryi eitam babyi, outam babyi, otam babyi, dina-dina nirya yaldakde binkwaming. Ba, kan ab kan yaldangna nang ab deici aryi tukwetam a kubde binkwaming ninyi nirya asi, Niryi kisal dangna dinyi karebnyi ba, dobdobkwaming.

Ura, a dikum si minob ara, “Lus,” eramnyi bok, Yakub biryi, “Betel,” eboka si dobmou.