Popular Bible Verses from लुका 9

Share

कालाउ न्हुसो येसु ताइको चात्यागेलाइहेङ कालाउ इन्ता हिका द्‍याङगेलाइहेङ काइतेङ दोअ्हि, “एसापा नेलाइ काङको चात्या जेङलि खाङसु खेन्हा पानु ताइको इच्छा लाअ्लि गोइखे। कालाउ वा दिनाङ-दिनाङ ताइको क्रुस फाअ्तेङ काङको चात्या जेङलि लोसु।”

हाइपालिपानु या सुमिङता जाइ दोङ ताइको प्रानहेङ बान्चिपालि खाङखे पानु, “वा इङको मोअ्पावा जाइ दोङ काङको भाअ्सिङ कालाउ सुसमाचारको भाअ्सिङ जातिङको जिबन मोअ्पाखे कालाउ वा निनावा।”

येसु दोअ्हि, जेसापा हिदोइ बुङ द्‍याङ हालेता खुर चातेङ लेसारा भारि खाङनु, उङको परमेस्वरको सासनता योग्यको माजेनाङ।

जेसापा द्‍याङगेलाइ सुमिङहेङ दोङ ताइको बानाइलाउ बुङ ताइको आनान्त प्रान चाहि गुमाइ पानु वासेहेङ हाइ फाइदा जेनावा रो? कालाउ एमि द्‍याङ परमेस्वरहेङ हाइ पिलि द्वावा जाइ दोङ वाको आनान्त प्रान चोल्पिखे? हाइ बुङ माको!

कालाउ हासु बुङ काङको बचनसो लेदेरनु, “का द्‍याङको चान बुङ ताइको महिमाता कालाउ आबाको महिमा चुम्तेङ पबित्तरो स्वर्गदुतगेलाइ दोफा लोलाउ, वाको दोफा का बुङ लेदेरयाङका।”

येसु वासेहेङ दोअ्हि, “स्याइलेगेलाइको हिका घारा हि, आकासता हिका जिहाँ-जुइलेङको हिका भाअ्सा हि, कालाउ का द्‍याङको चानको भाअ्सिङ ते एनोङ बुङ साअ् मान्थु जेता का जिम्लि द्वाको।”

कालाउ ताइको चात्यागेलाइहेङ दोअ्हि, जेसापा हिदोइ बुङ द्‍याङ का ह्रुता खाङधुरि पातेङ इदोइ जामालहेङ दाया तिम्पाखे पानु, वा जातिङको आदार पाखे। कालाउ हिदोइ बुङ द्‍याङ कासेहेङ आदार पाखे पानु वा जातिङको परमेस्वरको आदार पाखे। जाइ दोङ कासेहेङ दिङगिल्हि, जेदोङ द्‍याङ नेलाइको माझाता झाराङ खान्तेङ म्हुइका हि, उङको दोङ बार्का जेनावा।