Popular Bible Verses from मर्कुस 10

Share

का इसिका ओदोङ भाअ्सिङ दोअ्तेङ हिघा, हाइपालिपानु का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ आरु द्‍याङगेलाउको पापसो लाअ्पालिको भाअ्सिङ ताइको जिउ पिलि लोका हिघा।”

येसु इम्बालाइहेङ खाङतेङ दोअ्हि, इदोइ द्‍याङगेलाइको भाअ्सिङ आसम्भब काम हि, कालाउ परमेस्वरको भाअ्सिङ आसम्भब मान्थु, हाइपालिपानु परमेस्वरको भाअ्सिङ गोताङ काम सम्भब हि।

येसु वासेहेङ दोअ्हि, सिता हाने का नासेहेङ एल्पाघा हाइपालिपानु नाअ् का ह्रुता खाङधुरि पाखेना। एन्सालाउसो दोङ वा मिसियाँ तिङलि दोका जेङहि कालाउ आरोङ द्‍याङगेलाइ दोफा मिलितेङ येसुको लेसारा पिताइपुहि।

ओदोङ भाअ्सिङ जाइहेङ परमेस्वर दोङ बेबाल कालाउ वाबालहेङ एनोङ दोङ बानाइहि, वासेहेङ हासु बुङ लाअ्पालि माएल।”

येसु वासेहेङ मायारु पातेङ खाङहि कालाउ दोअ्हि, “नाअ् एनोङ भेनेङ काम पालि जरुरि हि। हानितेङ ताइको गोताङ धन-सम्पति पिइतेङ ताका गरिबगेलाइहेङ पि। परिनाम स्वरुप नाङको भाअ्सिङ स्वर्गता धन ह्यवा। लौउ कालाउ काङको चात्या जेङ।”

येसु वासेहेङ हिअ्हि, “नाङको भाअ्सिङ का हाइ पालि?” “प्रभु का मिसियाँ तिङलि द्वाको!” कान्हाँ बिन्ति पाहि।

कालाउ नेलाइता चाहि इसिका हिलि माएल, कालाउ जाइ नेलाइ मध्येसो बार्का जेङलि खाङकालाइ झाराङको चाकारिया जेङनाङ सेवा पालि गोइखे।

जातिङ भारि का नेलाइहेङ दोअ्खा, परमेस्वर ताइको सासनता खिनिङ इम्बालाइहेङ सुइकार पावा जाइ दोङ परमेस्वरको सासनहेङ जामाल भाइपा सुइकार पावा।

कालाउ हेन्जा लाम्फा जाइ हिघाहि, इङको सोमोइता न्हु जेनावा, कालाउ हेन्जाङ झना जाइ एला न्हुतावा, इङको सोमोइता लाङ जेनावा।

कालाउ बचनता इसिका लेखेका हि, कि जेलाउ परमेस्वर इदोइ सुमिङहेङ सिरजाइहि वा दोङ एमि वाजान कालाउ एमि बेजान बानाइहि। ओदोङ भाअ्सिङ वाबाल द्‍याङ ताइको आबा आमाइहेङ लाअ्तेङ ताइको बे दोफाङ हिखे। कालाउ उङको न्हेमि एनोङ दोङ जेनावा ओदोङ भाअ्सिङ एला इम्बालाइ न्हेमि भाइका माको कालाउ एनोङ दोङ द्‍याङ भाइका दोङ जेनावा।