Popular Bible Verses from Luke 23

Share

Oˑnăh' haˑwă̱ă̱ ne Jeˑsus', Haħˑniih', do̱ˑsas'heˑi'waħˑsăăˑgwas; tă̱ħˑă̱h să̱ħ'ă̱h deˑa'diˑyă̱nˑdeeˑih he'no̱nˑdiˑyeeħ. Oˑnă̱h' oħˑta'dikˑhah'siħ nooˑsyo̱'nyasˑhăħ, deˑo'diħˑwas'dyaħˑgo̱h' kuh.

Neħ naˑwă̱'o̱hˑseeh, ne Jeˑsus', Doˑgă̱s' neħ noħˑgo̱'yă̱ˑo̱s, Neħ' nă̱ˑgă̱ă̱' wă̱ˑnĭs'hăˑdeħ, haħˑdă̱ˑjiˑdya'diˑaak he'o̱ˑweh', dyòħˑniˑgo̱ˑi'yòsˑdeeħ.

Oˑnă̱h' haˑwă̱'o̱hˑsee ne Jeˑsus', Syaħ'daˑgwĕnˑniˑyòħ, daˑgas'hăăħt noˑnă̱h' neħˑhuh' hăchˑyo̱ħ' he'o̱ˑweh' chă̱ˑno̱h'do̱ˑo̱ħ.

Neħˑhuh noˑnă̱h ne Jeˑsus deˑoh'să̱ntˑhwaħ'o̱h toˑdeħ'hasˑdo̱s'o̱h, haˑwă̱ă̱', Haħˑni'ih, sesˑoh'daħˑgĕh' oħˑgeˑgo̱nˑdak' naˑgat'hwa'is'hăħ; neħˑhuh noˑnă̱h' neħ' wa'ă̱ħ, oˑnă̱h' haˑweeˑyo̱s'o̱h.

Neħˑhuh dih' noˑnă̱h' neħˑhuh' hoˑdi'yo̱sˑo̱h, he'o̱ˑweh ne Calˑvaˑry gaˑyaa'so̱h, neħˑhuh' deˑo̱ˑwa̱ˑyah'so̱nˑdas'o̱h, kuh ne' deˑiˑyaˑnes'hăˑit'haħ; shaˑyaħ'daat haˑyă̱'nehˑgo̱o̱' gwaa, shatˑgwaˑdii' gwaa naeh' ne shaˑyaħ'daat.

Neħˑhuh di'no̱o̱ noˑnă̱h' yeeˑiħ' chiˑjo'isˑdaaħˑeeh, neħ noħˑdwa'dahˑso̱nˑda'ik ne tiˑyo̱'ă̱nˑjaˑgweeˑgo̱h, neħˑhuh' no̱ħˑyò'nisˑheħt noˑnă̱h' dyòhˑdo̱o̱' cho̱ˑsaˑga'isˑdaħˑeek. Neħ noħˑdwa'dahˑso̱nˑdaˑik' nă̱nˑdeeˑkaaħ' găăh'gwaaħ, neħ' kuh neˑyoˑsaˑniˑyo̱nt' nohˑseh'dahˑgo̱h' hoˑno̱k'daˑdo'gă̱hˑdiħ, haħˑde'wahˑsă̱'no̱sˑho̱ħ' deˑyòˑdoˑwă̱s'o̱h.

Da neħ' noˑnă̱h' neh' sgat' deˑwă̱h'nyaħˑeeh' niˑă̱'no̱nˑdiih' haˑgo̱'yasˑde'isˑdo̱h waat'gatˑhòħ' he'no̱ħˑo̱o̱ˑwă̱h', oħˑto'ă̱hˑsă̱ˑoˑnyo̱o̱ħ' Na'wĕnˑniˑyòħ, haˑwă̱ă̱', Oˑdo'gă̱ħˑo̱o̱ħ, neħ' noˑi'waˑye'isˑdo̱'no̱ħ nă̱ˑgă̱ă̱' ho̱ˑgweh.