Popular Bible Verses from Mark 1

Share

Neħ noˑnă̱h' seˑdeh'jiˑaˑne'gwa, ahˑso̱h', naeh, ă̱ˑyo̱'nisˑheħt' hă̱ˑyòˑhă̱ħt', oˑnă̱h' thotˑgă̱'o̱h, hoˑya'gă̱ħˑo̱h, neħˑhuh' he'aˑweˑno̱o̱h, he'o̱ˑweh' deħˑdyo̱ˑgweħˑda'na̱ˑgeħ', neħˑhuh' he'oˑdă̱nˑna̱'yă̱nˑdʋs'o̱h.

Haˑdo̱'neħ, oˑnă̱h' he'niˑyòˑweħ' heˑga'wiħs, oħˑgai'waˑyeˑih'; oħˑgaˑyo̱ħ' oˑnă̱h', ne dwă̱nˑno̱h'do̱ˑo̱ħ'shăˑgwĕnˑniˑyòħ' Na'wĕnˑni'yòħˑgĕh' dyaˑweh'dahˑgo̱h; do̱ˑsa'swă̱ħˑni'go̱ˑă̱nˑdeˑnih, dih'; swaˑi'waˑgwĕnˑniˑyòs', gwaħˑhòh', ne gai'wiˑyòs'do̱sˑhăħ.

Neħ' ne waħˑo'go̱nˑdaˑdyĭĕħ noˑnă̱h' detˑho'daˑwă̱'ă̱nˑdo̱h, ho'neˑgòħ', hoˑgă̱s'o̱h deˑdyo'nihˑho'o̱nˑdyo̱o̱h' ne gă̱ˑo̱'yaħˑgĕh', dyòˑdaħ'să̱hˑdo̱h', kuh, Noˑtwai'shăħ, neħˑhuh' niˑyòħ'dă̱ˑo̱nˑdyĭĕħ' heˑniˑga'yeˑhaħˑneˑjăăh'goˑwaaħ gʋs'heˑnă̱ħ' ne daˑwa'daħˑsă̱nt; neħˑhuh' oˑdă'dʋsˑo̱h haˑyaħ'daˑdeħ. Da neħ neˑdyòˑya'gă̱hˑo̱h noˑwă̱ˑna̱ħ' ne gă̱ˑo̱'yaħˑgĕh; waˑdo̱h', Iis' ne gă̱ħ' go̱ˑno'o̱h'gwaħ Go̱'a̱ˑwa̱k', neħˑhuh' tgaˑyeˑiħ' akˑni'go̱ˑiˑyòò heh' syaħ'daˑdeħ'.

Iiħ', naeh, doˑgă̱s' oħˑgwaˑyeˑăħ'dahˑgwă̱ħ' ne bapˑtism, o'neˑgaˑnos' oħˑgye'ăħˑdʋk; neħˑgwa', naeh, ă̱ˑshe'swaˑye'ăħˑdah'gwă̱ħ ne bapˑtism, oˑtwai'shăˑdoˑgă̱h'diħ ă̱ˑa̱'ye'ăħˑdʋk.

Neħ na'go̱ˑyă̱ˑa̱h'seeh ne Jeˑsus, Gaˑsnih', dakˑhni'no̱nˑdăˑdyĭĕh; neħ kuh', naeh, ă̱kˑhnis'yo̱ˑniħ' ne'neħ, aˑjis'niˑjòħ'yakˑseek' no̱ˑgweh'. Da neħ', ne' waħˑo'go̱nˑdaˑdyĭĕħ' hoˑno̱nt'gaħˑwă̱h' noˑno̱ħ'ăăħ'sho̱ħ, ho̱ˑwa̱'no̱nˑdă'dyĭĕsˑo̱h.

Aˑgwʋs' wa'oˑdi'waˑnă'ăˑgòħ he'na̱ˑyă'ăˑno̱o̱ħ; neħ, să̱ħ'ă̱h, he'wa'aˑgo̱'iˑo̱ˑnyă̱ħ neħˑhuh' niˑyòħ'dă̱ă̱h nooħ'has'desˑhăˑyă̱ħ', iˑgă̱'; tă̱ħ'ă̱h deħˑneħ'huh deħˑa'wă̱ħˑo̱o̱ħ naeh heˑniˑyòħ'dă̱ă̱h ne shaˑgo'diˑyaˑdo̱ˑnih.