Popular Bible Verses from Genesis 49

Share

Okati kouhona kake nokuza ko ku Juda, nandarire okati kouvara kamaake zu po pozombaze ze nga omuini tji meya; noviwaṋa mavi kara nonḓuviro ku ye.

“Josef omuti wovihape omutanda, omuti wovihape omutanda mbu ri meṋe yoruharwi; otutavi twawo matu tanana kekuma. Ovayumbe voviku mave mu toko nave mu yaha nave mu wisa.

Nungwari outa we wa kara nomasa, nomaoko nomake we ya kuturwa i omasa wa Ndjambi, Omunamasa wa Jakob, mena rOmurise, Oruuwa rwa Israel; Ndjambi waiho me ku vatere; Ndjambi Omunamasaaehe me ku sere ondaya nozondaya zeyuru okuza kombanda, nozondaya zomeva nge ri mourekoto kehi yehi, nozondaya komavere na kezumo.

“Juda, ovangu voye mave ku tanga. Ove mo ṋiṋikizire omunavita na ove pehi. Ovazandu vaiho mave rikotamene komurungu woye. Juda ongeyama omutanda. Ove wa yerururwa i ovipundwa, muzandu wandje. Juda u riṱuta no nyaturuka tjimuna ongeyama ondwezu poo onḓenḓu. Owaṋi ngu ma yenene okumutoka?

“Ruben, everi randje, oove omasa wandje, nu oove omuatje wandje omutenga wourumendu wandje; ngu wa tunduuka mondangu na momasa. Ove u ri otja omupupo. Nungwari ko nokurira ohongora, orondu tjinga awa ya kombete nomukazendu omumbanda waiho no yeta eṋi kombete yandje. Wa tengurura ombete yaiho!