Popular Bible Verses from Lukas 10

Share

Purateneye! Ami mbe mu pa ouvara okuyata ozonyoka nozondje nokukara nomasa tjinene kombanda yomunavita, nu kape notjiṋa tji matji mu hihamisa.

Muhona we mu zira a tja: “Marta, Marta! Ove mo rikende nu mo kurungisiwa i oviṋa ovingi, nungwari otjihepwa itjimwe uriri. Maria we ritoororere ihi otjinanḓengu tjinene nu ka pena ngu ma yenene okumuyeka tjo.”

Indji onongo ya zira ai tja: “Suvera Muhona, Ndjambi woye, nomutima woye auhe, nomuinyo woye auhe, nomasa woye aehe, nozondunge zoye azehe; nu suvera omukweṋu otja tji we risuvera omuini.”

Eye wa tjere ku wo: “Omakondero wovihape omanene, posi ya imba ovaungure ombe hi nanḓengu. Kumbeye komuini womakondero kutja a hinde ovaungure mbu mave kondo ovihape vye.

“Nambano mu imba ovetatu mba ove ngu mo munu kutja wa ri omukwao waingwi ngwa wira momake wovapunde, eye ngwi ouṋe?” Omuhonge wOmatwako wa zira a tja: “Eye ngwi ngwe mu tjitira otjari.” Jesus wa zira a tja: “Twende, nu ove wina katjite nao.”

Twendeye! Ami me mu hindi otja ozondjona mokati kozombungu.