Popular Bible Verses from Yuuẖanna 10

Share

Gwuram gwathi iladha dapai ŋwuramai, a dirinya, a diŋirithe dogo; abi nyi gwiludhi dinyil midheye, a midhe gwegen iŋirani.

Nyi gwiro gwora gwiŋir; gwora gwiŋir gweijo jaŋala juŋun.

Jaŋal jiny jathidiŋini gwula gwiny, nyilliŋa, nyilgwuje.

Nyildhedha midhuŋw gwortal; a jati jai gatur no, a kwiji gweda gwati gwuthi ŋoma jinyil wala ŋarthan gi dhoi ganu dhiny no.

Nyi gwiro gibur; ada kwiji gweda gwimuni nyi gwai, gwagilaŋ, gwaji gwuni a gwutuya a gwabuje gidhogora.

Nyi gwiro gwora gwiŋir, nyiliŋa jaŋala jiny, nyi jaŋal jiny liŋa.

Babo gwiny gwina gwidhedhinyilo gwinunu peth; a kwiji gweda gwati gwuthi ŋoma juŋwul wala Babuŋw gwiny dhoi ganu dhuŋun gatur no. Nyi a Babo gwiny liro letipo.

Gwiro ŋinena liŋidhiny Babo, a minoŋ ko nyiliŋa Babuŋw; nyeijo jaŋala.

Kwiji gwati gweda gwuthi ŋoma gwinyapa no, abi nyi gwuminyu dai gwiren. Nyi gwuthi ŋoma gwai gwiren, a nyi gwuthi ŋoma gwamidhe gwiren manaŋ. Amr ibigwa gwapiny di Babo gwiny.

Al Yasuuⓐ abiŋaijo manaŋ, ŋwulaici, Titiganu, titiganu, nyi gwa gwacaijinu, Nyi gwiro gibur ga jaŋal.

Abi gwina gwiro gwadimani, athuŋw rui gwora no, a jaŋal juŋun jati jiro no, ŋwaŋa kamarainyu diladha, ŋwugathani jaŋala, ŋwabire; al kamarainy umi, ŋwujidigir galo.

Titiganu, titiganu, nyi gwa gwacaijinu, Gwina gwati gwuni kour gi thigara ganu no, ŋwubalo gi dhai dhiter gwiro gwuram a gwijigwor.