Popular Bible Verses from luka 6

Share

ḏəḏɩlo lajiḏəḏə; əlmɩḏ yun yiŋir yigwugiləḏɩnu yikədeḏəṯɩnu muma, yiḏidurṯa ga ŋwajilḏəḏə jiria je jalo; gi gwune əlmɩḏ yun yaṯanyayuni yaje yajilwəɽəṯɩjo.

gwiji gwun gwiŋir gwaṯɩdi ŋɩdio ŋun ŋiŋir ŋun ŋaṯɩje gi ḏugwor ganu ḏuŋun, na gwiji gwun gwɩki gwaṯɩdi ŋɩdio ŋun ŋɩki ŋun ŋaṯɩje gi ḏugwor ganu ḏuŋun; gi gwune linyu laṯumə gi ḏɩbona ḏun ḏutu ḏeḏi ḏugwor.

aṯanyalmɩni əmɩnyi lun lɩkiḏiḏianyale naṯanyalərrɩjo muma, na nyalḏəḏə ŋo ŋanyalḏuḏɩnɩjo ŋajilwəɽɩjo; na ŋɩdi ŋalo ŋɩbuḏo gworki, na nyalaro nyaɽe nyeḏi gwun gwolenelo, gi gwune gwiŋir ḏi luŋa lun late laṯaḏɩŋane eloŋu no na lun lɩki.

əṯɩl ŋino gi gwune baba gwalo dino gwəṯi ŋino.

aṯanyakɩmiḏa no na aṯanyakɩmino no. əṯanyalḏuḏɩjo ganu nalajiḏuḏɩjo ganu.

namɩni nyi gweiceijɩno nyaŋa lun lɩḏiŋɩnu, aṯanyaləmɩnyi lun lɩkiḏiḏianyale, naṯanyalərrɩjo muma lun laṯajidonye, aṯanyaliŋiriḏi lun laṯajiḏene, uyuməḏəṯɩjo eloŋu gwan luŋa lun laṯajiḏi ganu.

na ŋun ŋaṯanyaləmɩnyi nanyarno ŋajil liji ərrɩjo, dujilo nyaŋa dino lagin.

na gwun gwaŋamɩɽi kirel, wɩrlijo gun giṯaou dino. na gwun gwaɽe lugə luŋa gwo gwadonye panila gwe gwuŋa dino. na gwun gwaŋaɽoṯəḏɩjo ḏəḏi, na ḏa ŋɩmulape ŋun ŋijo lugwuŋa namɩni ŋo ŋalɽoṯeḏe.

gwaɽe gwun gwiŋir gwate gwaṯɩɽe nyaɽe nyun nŋɩki no; na gwaɽe gwun gwɩki gwate gwaṯɩɽe nyaɽe nyun nyiŋir no.

jaɽe wei jəṯɩlɩŋeni nyaɽe nyagin. na liji late ləṯi ŋɩma lawone ŋwuwɩḏa gi jugi no, i alwone nyaɽe gi ŋwuɽuṯ gi lijibu no.