Popular Bible Verses from Kenesis 17

Share

Dūti nevi sū nīnti‐nīn iran Ebram ĭm Iehōva yōmetūratumpeni pugi Ebram mō menūwi pugi memokū, Yx Iehōva ra nūsian ugo sū, Avan ūnĭmtug meti tanepō.

Isūma worovrug‐kĭk magkū Ebram, ĭt oti natov nin e kĭk magkū Ebraham, ĭt yx mumpi kĭk potnĭnda ōvun numpūn lō sū sikat.

Im ya umpi nam ūnam enyx woretĭndōwi ūndū kĭk ĭm dal irora ov novsen enugkĭk penūrok ra palsi sū ĭndōwi en irora, woreti nam ūnam ĭndōwi ma ya anti Nōbū enugkĭk men irora ov novsen enugkĭk penūrok.

Yx, pah nam ūnam enyx oti ūndū kĭk, ĭm kĭk anti potnĭnda ōvun numpūn lō sū sikat.

Im Iehōva yōmenūwi memokū, Itnesog Sēra retepon enugkĭk ampī nĭtni enugkĭk ĭm kĭk onatov nin eni magkū Isak; ĭm ya onumpi nam ūnam enyx woreti ūndū iyi ĭndōwi, ĭm dal irora ov novsen eni penūri.

Im ya kampunok, mirora ov novsen enugkĭk penūrok, nūrū iyūi kĭk oti nesepx, nūrū Kēnan omwi sū woreti enugkĭk ĭndōwi ĭndōwi; ĭm ya anti Nōbū en irora.

Im Ebraham yōmumol ūnĭpmi eni mōĭmtufop mō mesepen enūwi ūnowan memokū, Amprokomol sī nĭtni irag kū? ĭm nevi sū wun hunder irag. Nevi sū nīnti iran Sēra miyi ampī nĭtni kū?

Im Iehōva yōmenūwi pugi Ebraham memokū, Isūma worenūwi magkū retepon enugkĭk Sērēī; anti natov nĭn eni magkū Sēra.

Pol sugkū kwantantevi fan mori ugi numpi namon, imō mori anti safi nam ūnam enyx tovuni‐yx ĭm tovune‐kūm.

Kō nam ūnam enyx ya onumpi woreti ūndu Isak more Sera ampī enugkĭk ra imō nĭmpugon sī mōmū nevi.

Kĭmi kwonumpi namon ōv alalx nĭmpugon dan sū ēt wanti iranda, ov nalalx omwisū ĭtnateman ra palsi sū enugkĭmi, mori sū wanti numprokomol ra mumpon nĭmō sū enugkĭmi, mirora sū wanti nevasĭgi irora ugi muni marokonda ōvun dōmō, mori yeti nevasĭgi ugi muni marugi dōmō, tawi iyi ra irora ov novsen enugkĭk. Iyi sĭ mori oti numprokomol ra mumpon nimō enugkĭk, miyi sī yeti nevasĭgi ugi muni enugkĭk, konumpi namon iran; imō safi ra nam ūnam enyx anti ra fan enugkĭmi ĭndōwi.