Popular Bible Verses from Hoixgara 2

Share

Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.

Egi hoishib Apostel wogus harnineja unakshana egi wakishu uine, egi waisgab rujhaire, egi gikarajire.

Egi harnaj Naxirag Wakanjangra hoixjinena, egi hit’e hijahi hit’e hajiarairena, jagu hit’airekjera Naxiragra e hit’et’e wagigina.

Egi higuana woxe wangregi howajina maintajehira rokana sagrexji hajira hikisgena, egi jhi hominagananka harnaj hoixjina. Egi eja janti‐wagigirena resi jakishanke pej‐nisge, egi harnaj hishashana harnashinena. Egi harnaj Naxirag Wakanjangra hoixjinena, egi hit’e hijahi hit’e hajiarairena, jagu hit’airekjera Naxiragra e hit’et’e wagigina.

Egi hoishib wohokhu‐hojhixeteja unankshana wanaira hishankira hiu, egi waisgab rujhera jhira howewouinena, egi warujra wakuruj‐hirena wogishawa egi wanai‐wogisogji hiu, Maura rajank, egi wankshigra harnaj najwojaine. Egi Hirukanara hambga wohokhu‐hojhieja hisge hijornashingigijena, jarnaga niaimbjera.

“Egi herekjanena, hamb hirowagananka Maura wena: Naxirag harnira rora harnaj wapaxunkjanena, egi hinig‐warawiga egi hinug‐warawiga prophet‐hirekjanena, egi hojinji‐washiniwira washa jairekjanena egi wangnunig washiniwira hante hihanterekjanena.

Egi jarnaga harnaxguinegi harnaj stoirena, egi washara harnaj hakishjeg warninena. Egi mara egi (jhira) egi washinjane warninera wawikuruwinena, egi harnaj khiruje wakhinena, jarnaga washa hirujisankhi.

Egi herekjanena higu peshe Hirukanara gikarajgi niaimbkjanena.”

Hambwira hokawas‐jinaikjanena, egi hahewira wa‐ijinaikjanena, kheni Hirukanara hamb‐xete egi rukanakanab harnira jini.