Popular Bible Verses from Hogusra 37

Share

Egi Joseph hohanteisha hihantena, egi wakhinubra wawogirag‐shana, egi she‐e hawau hiraijera hoshig’hirena.

Egi Israel Joseph hiraijera wogixetena ninkjang warnira harnaj horujis‐hirena, shag‐regi hagarninege esge, egi wonashi hokeresh rohaisha giuna.

Egi jaja wakhinubra hajairegi, hianj‐hirera Joseph hiraijera wogixetera, wakhinubra horujishiregi, Joseph hoshig’hirena, egi hinke wanaishguni hokit’e ruxurug hiranina.

Egi shige hohante hijaneisha hihantena egi wakhinubra wawogirag‐shana, egi wena: Horuxujwire shige hohante hisha hiahantena, egi horuxujwire, hambwira egi hahewira egi wiragoshgera hishankira‐hashana hiwakhuirena.

Egi wakhinubra khiwassa hirena, eshi hianjra jagu are wewinakshana.

Egi wawagena: Naixji harnanaxguwi‐sheshi hohante de‐e hiahantena. Horuxujwire, max‐eja waisgab hinusgij hajera egi horuxujwire waisgab horusgij harnira kikawa‐ana egi roja nashina, egi horuxujwire waisgab horusgij washiniwira hogigix nashinena egi waisgab horusgij harnira giwakhu hirena.

Huwine egi d’ehikjawina, egi mopox‐eja hot’unekjawina, egi hiwekjawina wanoijge shishig ruj hireguni, egi hajakjawina hohante warnira jasgaire‐kjanegi.

Egi Midianitra wang‐waruwira e howairena, wakhinubra Joseph mopox‐eja ant’umbhirena. Egi Joseph Ishmaelit‐eja wiruwinena, shura‐sgara kerepananup hiruwinena, egi Joseph Egipt‐eja harniahirena.

Egi wakigairena, horuxujwire hantega huhena.

Egi jaja hari rahau hajairegi, kheni wawiwusunsh hini, khikarahe hirena d’ehirekjege.

Egi Ruben wawagena: Inke wa‐ira xu‐hiwinine, eshi mopox tegi hot’unawire, mojainanegi heregaja, egi inke nab hat‐umbwinine, wawakaraishe nai wena, hianjra shige hokaraik’unkjege.