Popular Bible Verses from Hogusra 41

Share

Egi Joseph Pharaoh hornigiharna egi wena: Inke ne shesgarni hajena, Maura naixjina Pharaoh hophi howekjera hogirag wausheshi.

Egi Pharaoh ware warnira wawagena: Jasgajane shesgera hisha hie hinuxurug‐winashe e Maura naxirag harnira hojhijane?

Egi Pharaoh Joseph wagena: Maura washan de‐e harnaj hiperes‐ninge, esge hinkisha wang wouwaruphi egi wanaiksab warniune shesgarnina. Jhi harnira hishurukana‐kjanena egi hoit’e jagu hishare wankshig warnira harnaj wawishuru‐kanakjena. Hung waminag harnira she‐eshana hiranishana hixetekjanena.

Egi hinubra rashra Ephraim higena, Maura woja winge esge ma hawe harninegi.

Egi Joseph jorni hagarninera Manasseh rashra higena, wena: Hoshishig howe harnira harnaj Maura wakikununi hingigige esge, egi shige jajiga hojhira harnaj.