Popular Bible Verses from Luka 12

Share

Kararid kamo a mipatala. Nawhani, caayay ka harateng namo a tatokian i, itiya a tayni koya Wawa no Tamdaw,>> han ni Yis.

Kapilongoc kamo to sakalahciaw no pikowan no Kawas, ta halonini a saka'orip a ma^min a mapafli no Kawas kamo.

Saka, pasowal sa ci Yis i 'alomanay, <<Pina'on kamo to masamaamaanay a 'anof. Nawhani ano adihadihay ko dafong no tamdaw i, caay ko dafong ko pi'arawan to so'linay a nika lmed no 'orip noya tamdaw,>> han Ningra.

Nawhani ano i cowa ko dafong namo i, itira ko faloco' namo.

Ano maroraroray ko cima namo a miharateng to pakayniay i 'orip i, ma^deng cingra a misofac to 'orip ningra to mamamamang aca hakiya?

Sowal sa ci Yis i nisawawaan Ningra, <<Orasaka, sowalen Ako kamo, o maan ko kakaenen, o maan ko sasariko'en ako, aka ka saan a marawraw ko faloco' namo a miharateng to pakayniay i saka'orip.

Orira a ccay a mimaan, halofokes no fongoh namo a masa'osi no Kawas a ma^min. Orasaka, aka ka talaw kamo. Ikaka no nika limla no Kawas to adihayay a 'alic ko nika limla Ningra i tamowanan.

<<Kamo o mamangay a kasaflaw aka ka talaw. Nawhani maolah ko Wama namo a pafli i tamowanan to Kitakit Ningra.

Nengnengen ko palang hna. Caay pifolsak to sapaloma, caay pilitod, awaay ko 'ariri naira. Nikawrira, pakaenen no Kawas caira. Ikaka no nika limla no Kawas to 'ayam ko nika limla Ningra i tamowanan.

<<Orasaka, o maan ko kakaenen, o maan ko nananomen, aka ka saan a maroray a misaharaterateng.

Oya mamalokasoy i parod anocila a ma'oripayho anini i palapalaan a talod i, madipot no Kawas konini. Mangalef ko nipidipot no Kawas i tamowanan. Aya: ko nika tadanca no piti'er namo to Kawas.

O tatalahkal a ma^min ko masimeday a maamaan. O mamahapinang a talahkal a ma^min ko nikilifan a dmak.