Popular Bible Verses from Luka 5

Share

Mahrek ci Yis a pakimad i, <<'Iwasen ko tamina a patayra i talolongay. Tfaden ko salil namo a mifoting,>> han Ningra ci Simon a somowal.

Paca'of sa ci Simon a somowal, <<Singsiaw, salafii sa kami a matayal i, awaay ko maalaay niyam to maan aca. Nikawrira, do^do han ako ko sowal Iso a mitfad to salil,>> han ningra. Haen han nangra ko dmak i, masalil nangra ko adihayay a masaflaway a foting. Sakaftasan saan koya salil nangra.

Nikawrira, miliyas ci Yis a tayra i kato'olan a mitolon.

O patosokan Ako a tayni i, caay ko mitahidangay to mo^celay a tamdaw, o mitahidangay Kako to ciraraway a tamdaw a papipasasiyor to faloco' a pasayra i Kawas,>> han Ningra.

Yo minengneng ci Simon Pitiro tonini a dmak i, hinokop sa i ka'ayaw ni Yis. Sowal sa cingra, <<Tapangaw, liyasen kako, nawhani o ciraraway a tamdaw kako,>> han ningra.

Sowal sa ci Yis i cangraan, <<O tanoktokay a tamdaw i, caay ko papaisingen. Deng o adadaay ko papaisingen.

Pacakat hanto nangra i hkal ko tamina nangra. Sawad hanto nangra ko maamaan nangra a mitoor i ci Yisan.

Nanoya, yo itira ci Yis i ccay a niyaro' i, ira ko ccay a malono'ay. Ma'araw ningra ci Yis i, hinokop sa a mingitangit, <<Tapangaw, ano o faloco' Iso i, pakakorac Kiso i takowanan,>> saan. Laya' sa ci Yis to kamay a mikapa i cingraan. <<O faloco' Ako tisowanan, kakoracto,>> han Ningra. Tangsol sa a maadah koya malono'ay a tamdaw.

Nikawrira, mangalef a mangalef a matnak ko lihaf to pakayniay i ci Yisan. Sa'opo sa ko 'alomanay a finawlan to sapitngilaw to sowal ni Yis ato sapiadahaw Ningra to adada nangra.