Popular Bible Verses from Luka 8

Share

O tatodong no matfaday a sapaloma i nga'ayay a sra hananay i, yo mitngil ko tamdamdaw to sowal no Kawas i, o mo^celay ato so'linay a faloco' ko sapi'imer ato kodaitay a faloco' a hinatala, tangasa i nika cihcian.

Matiya o matfaday a sapaloma i cifadalay a sra ko faloco' no romaroma a tamdaw. Talacowa mitngil cangra to sowal no Kawas, nikawrira, ira ko rawraw no faloco' to saki'orip ato 'anof to sakidafong ato sawi no acang a mi'co to sowal no Kawas. Saka, caay ka cihci to marohmay.

Matiya o matfaday i fokloklohan a sapaloma ko faloco' no romaroma a tamdaw. Yo mitngil cangra to sowal i, tangsol sa cangra a lipahak a milayap. Nikawrira, awaay ko palamitan i faloco' nangra. Saka, itiya a ccay ko pipaso'lin nangra, yo ira to ko salifet i, tangsol sa a mapolin.

Licay han ni Yis cangra, <<I cowaayto ko paso'lin no faloco' namo saw?>> han Ningra. Safahka' sa cangra a matalaw. Saka, sasowasowal sa cangra, <<O maan hakini konini a tamdaw? Halofali ato lodis a mitngil to pipalimo'ot Ningra!>> saan.

Matiya o katfadan no sapaloma i lawac no lalan ko faloco' no romaroma a tamdaw. Mahrek cangra a mitngil i, ira ko Palafoay a mi'afas to sowal no Kawas i faloco' nangra. Onini i, o saka^caaw paso'lin nangra a mapa'orip.

<<O tatalahkal a ma^min ko masimeday a maamaan. O mamahapinang a ma^min ko nikilifan a dmak, a o kafana'anto no tamdamdaw.

Tona mafana'to koya fafahiyan a caay to ko sasimeden ko dmak no niyah, sakamirmir sato a tala'a'ayaw ni Yis a mihinokop, ta i ka'ayaw no 'alomanay a pasowal i ci Yisan to nika nawiro mitfing cingra i Cingraan ato nika masamaanay ko nika tangsolto a maadah. Saka, sowal sa ci Yis i cingraan, <<Wawaaw! O nano paso'lin iso to Kawas ko sakaadah iso. Sanga'ayen ko rakat iso a minokay,>> han Ningra.

Tayra a miraod i ka'ayaw Ningra ko nisawawaan a mipalal i Cingraan, <<Singsiaw, singsiaw, o mamapatay to kita!>> han nangra. Saka, lowad sato ci Yis a mikakter to fali ato lodis. Trep sato koya fali ato lodis. Sarimadac sato koya fanaw.