Popular Bible Verses from Maroko 13

Share

Tona mitoor kamo i Takowanan i, o mamaka'intel no tamdaw a ma^min kamo. Nikawrira, o pakahadidiay a tamdaw tahira i pahrekan i, o mamapa'orip.

Pina'on. Kapalal kamo. Nawhani mafokil kamo to nika ano hacowa aira koya romi'ad.

Yo marpet nangra kamo a mapatorod i piliclican i, aka ka i 'ayaw a marawraw to o maan ko sasowalen, itiya to i, ano o maan ko nitoro'an no Kawas i, orira ko sasowalen namo. Nawhani caay ko no tked namo ko sasowalen, o nano pikrid no Fangcalay 'Adingo ko saka somowal namo.

O mamalasawad ko kakarayan ato sra. Nikawrira, caay ko mamalasawad ko sowal Ako.

<<Nikawrira, o pakayniay toya mamaraod a romi'ad atoya tatokian i, awaay ko ccaccay aca a mafana'ay a tamdaw, halocoyocoyoh no kakarayan a caay ka fana', halo Wawa a caay ka fana', dengan o Wama a Kawas ko mafana'ay.

Ano matngil namo ko nika ira no i ngataay a kalalood ato iraayay a lihaf to pakayniay i kalalood, aka ka rawraw ko faloco' namo. Nawhani o airaira aca konini a dmak. Nikawrira, caayho ko pahrekan no hkal itiya.

Orasaka, kapalal kamo, nawhani caay ka fana' kamo to nika ano hakowa a minokay ko tawki no loma'. Alatek o dadaya, o lafii, o kaniharan, o kasadakan no cidal. Latek talifahal sa a minokay cingra. Saka, caay ka nga'ay a ma'araw ningra ko nika foti' namo. Orasaka, kapalal kamo. Onini a nisowalan Ako i tamowanan i, o sasowalen Ako i tamdaw a ma^min,>> han ni Yis.

O mamalaloolood ko finawlan ato finawlan. O mamasasi'ada'ada ko kitakit ato kitakit. O aira ko lonen ato kdal i cowacowa. Onini a dmak a ma^min i, o satapangan no tata'angay a pades a matiya o pisemsem no ma'at'atay.

Nikawrira, i 'ayaw nonini a dmak i, caay ka ^ca o mamapatnak ko Nga'ayay Ratoh i polong no finawlan i kasakitakit.

O aira ko 'alomanay a tamdaw a micaliw to ngangan Ako. Sowal asa, <Ci Kristo kako>, o sasaan cangra a misa'fit to 'alomanay a tamdaw.

<<Pina'on kamo. Tona o mitooray kamo i Takowanan saka, o mamapatorod kamo i piliclican. O mamasti' kamo i kasa'opoan a loma'. O mamapatayra kamo i ka'ayaw no mikowanay ato hongtingti. Onini i, o sakanga'ay namo a pawacay to Nga'ayay Ratoh.

Nawhani o aira ko mangah a Kristo ato mangah a pali'ayaway to sowal no Kawas. Ano mama^deng i, sa'fitaw ako ko nipili'an no Kawas a finawlan saan cangra saka, midmak cangra to kafahka'an a dmak a patiri' to 'icel nangra.

<<I ikor nonini a kapadesan a romi'ad i, o tato'man ko cidal. Caayto ko mamalikat ko folad. O mamatfad ko fo'is nai kakarayan. O mamangernger ko polong no kakakafikafit no kakarayan.