Popular Bible Verses from 'Olic 30

Share

Ccay a mlet ko kter Ningra mafasawto, nikawrira, caay pitolas ko sini'ada Ningra a tahada'oc. Talacowa talalosa' to dadaya, dafak sato i, malipahakto.

Nano mararomay kako i, palipahaken Iso kako a pasakro, nano mica'dongay kako to sakararom a riko' i, hlongen Iso a pariko' kako to sakalipahak. Orasaka, caay ka tomrep kako, o raromadiw kako a pahmek i Tisowanan, TAPANG a Kawas ako, o mamida'oc kako a miahowid i Tisowanan.

TAPANG a Kawas ako, pasayra kako i Tisowanan a mingitangit to pipadama Iso i, adahen Iso kako.

Kamo o so'linay a mitooray to TAPANG a finawlan, pahmeken ko TAPANG, ahowiden ko nika tadamaan no nidmakan no Fangcalay a Kawas.

TAPANGAW, o papahmeken ako Kiso, nawhani o nipa'oripan Iso kako, caay pihayda Kiso to nika lata'ang no 'ada i ka'ayaw ako.