Popular Bible Verses from মার্ক 6

Share

উয়া সময়ও উচা বাং·আ মান্দিরাং রি·য়াংআ-রি·বা দাক্কানি গিম্মিন জা·রিকগিবারাং মামুংখোবা চা·না মান·জাজক। উনি গিম্মিন যীশু বিসংনা আগানজক, ‘‘না·সং আংমুং মান্দিগ্রি মা·সুগ্র্রি হা·দামওনা রি·বাএ নেং·থাকবো।’’

উনো যীশু বিসংনা আগানজক, ‘‘সংথাং, চাচ্চিথাং আরো নকথাংনি আগ্রে দিমদাকচান আগানসোগিবাখো মান্দিরা·আ।’’

রিংওনি হং·খাতে যীশু মান্দি বাং·বিয়াখো নিকনা মান·জক। ইয়া মান্দিরাংনা যীশু নাম্মেন খা·সাচাকজক মুয়ানা ইরাংনি অবস্থা রাক্ষুয়ালগ্রি মেষরাং গিত্তা হং·আ। যীশু বিসংনা বাং·আ স্খিয়ানিখো স্খিয়ে হ·ন্না হা·বাচেংজক।

উনি জা·মানো বিয়া জমগিবা-সাগিবা মিত্তাম মান্দিরাংনি সাক্কাও জাক দনদাপে বিসংখো নাম্মেতজক, ইন্দিবা উনো মামুং আইয়াও ইনমানানি কামখো দাক্কা হং·জাজক। মান্দিরাং বিখো বিবিরা·জানি গিম্মিন বিয়া আইয়াও ইনমানজক। উনি জা·মানো যীশু গিপ্পিন গিপ্পিন সংরাংচা রি·য়াংএ মান্দিরাংনা স্খিনা হা·বাচেংজক।

উয়া গিলবংআ রুটি আরো মাংগ্মি না·থকখো রা·এ যীশু সালগিচাখো নিগিদোয়ে ইসলখো মিৎথেলজক আরো মান্দিরাংনা হন·খানা ইন্নে রুটিখো ফি·এ জা·রিকগিবারাংনি জাক্কো হন·জক। ইন্দাকে বিয়া না·থকখোবা দিমদাকনান সুআলে হন·জক। বিসং গিম্মিকান অক্ষায়ে চা·জক। উনি জা·মানো জা·রিকগিবারাং রুটি আরো না·থকরাংখো খল্লামে খক চি·গ্মিও গাপ্পেতজক।