Popular Bible Verses from Lukas 17

Share

La Antua bilang par orang Samaria tu kata, “Badiri! Pi jua! Tagal ale parcaya Beta, ale su bae.”

Mala kalo dia biking sala par ale tuju kali dalang satu hari la tuju kali dia datang minta ampong dari ale, ale musti kasi ampong dia tuju kali lai.”

Satu dari dong tu, waktu lia kalo dia su bae, dia bale par Yesus la puji-puji Allah deng suara basar. Tarus, dia tikang lutu di muka Yesus pung kaki la minta dangke dari Antua. Dia tu orang Samaria, bukang orang Yahudi.

Jadi, jaga kamong pung diri bae-bae! Kalo ale pung basudara yang parcaya ada biking sala par kamong, tagor dia. La kalo dia minta ampong, kasi ampong dia.

La Yesus bilang kata, “Beta su kasi bae dong sapulu to? La mana sambilang yang laeng tu?

La Tuhan Yesus bilang kata, “Kalo kamong ada pung parcaya par Allah, biar kata kacil sa macang deng biji yang paleng kacil, kamong bisa bilang par pohong ara ni, ‘He pohong! Tacabu la pinda ka lautang!’ La akang nanti pinda.”

Sapa yang usaha par kasi salamat dia pung diri, dia seng bisa hidop tarus-tarus deng Allah. Mar sapa yang siap mati tagal iko Beta, dia nanti hidop tarus-tarus deng Allah.

La Yesus bilang par Antua pung murid-murid kata, “Salalu sa ada hal-hal yang biking sampe orang jatu dalang dosa! Mar cilaka orang yang biking hal-hal itu, sampe orang laeng jatu dalang dosa, tagal Allah nanti hukum dia paleng barát paskali. Masi labe bae par dia kalo dia pung leher dapa ika deng batu basar la dapa lempar dalang aer masing daripada biking sampe satu dari orang-orang yang parcaya Beta ni jatu dalang dosa.

Apa yang jadi di dunya waktu Beta Ana Manusia ni bale kombali, akang sama deng apa yang jadi dolo di jamang Nuh. Waktu itu, orang-orang seng pastiu deng Allah. Dong tinggal kong makang-minong deng kaweng macang biasa sa, sampe waktu Nuh maso kapal, la skrek bagini banjir basar datang la kasi binasa samua orang yang ada di luar.