Popular Bible Verses from Matius 3

Share

Jadi, kalo kamong su bale balakang dari kamong pung dosa-dosa, kamong jua musti biking apa yang bae!

La skrek bagini, ada suara dari sorga yang bilang, “Dia ni Beta pung Ana yang Beta paleng sayang. Dia biking Beta pung hati paleng sanang.”

Abis dapa baptis, Yesus langsung kaluar dari aer tu. Skrek bagini langit tabuka la Antua dapa lia Allah pung Roh macang deng burung pombo turung ka atas Antua.

Beta baptis kamong deng aer, tanda kalo kamong su kasi tinggal kamong pung dosa-dosa. Mar ada Satu Orang yang pung kuasa labe basar dari beta, yang nanti datang dari balakang beta. Mau buka Antua pung sandal dari kaki sa beta seng pantas. Antua tu yang nanti baptis kamong deng Allah pung Roh deng api.

Allah su siap hukum sapa sa yang seng mau kasi tinggal dia pung dosa-dosa la biking apa yang bae. Akang macang deng orang su kasi siap mancadu par potong pohong-pohong yang seng kasi kaluar bua yang bae lapis deng akang pung akar-akar, la buang akang ka dalang api.

Yohanis ni yang Allah pung Juru Bicara Yesaya maksud waktu dia bilang, “Nanti ada orang yang tabaos di padang gurun kata, ‘He orang-orang e! Kasi siap jalang par Tuhan! Kasi barsi jalang par Antua langgar!’ ”