Popular Bible Verses from Lukas 6

Share

Hengen le ndro su, su ghengen le ndro mu lie, su ghengen le ndro mu bulhe ge, longu masi mu ghinen i le ndro su, su ghinen le ndro mu lie.

Hom ndramed hian i bogulue le bergoln memrad e longu hian ge. Hom ndramed momen i bogulue le bergoln memrad e longu momen ge, memrad masi i da le bergoln ad homo, bohon i bosoui ri.

Mbue hinen dagara, golmgisden su ndremda rah ademu, hengen le ndro su, mbue hanguruen surian asu, muren surien ir belengen mu manden ge, boen uomu mbunana ad Ndorlaben ber belengan, i da bo hian le ndro su ndramed momen, su da hanguruen i hebsa bui.

Ibdi gahaloseli le ndro su, dege Damu ber lang i da ibdi gahaloseli le ndro mu lie.

Mbue gdieni homo, boen su da dieni mu dagara lie bugane, rumburdi su la kalabus, su da gin bo momen ndro mu, Ndorlaben i grumburdi mu lie.

Io vong le ndro mu, mu da baghege ndro io, i boi: Golmgisden su ndremda rah adem, gob hian le ndro su, ndrnesu i mah le ademu. Hengen su, su da boii mu, sobani su le raring ademu, su da rodi mu.

Longu masigane, mu da lengi, su ndramed su ghinen i me ndro mu, ghinen i dagara le ndro su lie.

Be homo i rii uo nagbeluan horo bai le ndro i, i grii nagbeluam horo lie. Be homo i hedi salo adem, hengen le ndro i, golos adem lie. Hengen le ndro i, i da soling ndro uo. Ar homo gin hedi longu adem, mbue hedi i mul.

Gei heie hian ge, sengen aden hian ge; gei heie momen molhege, sengen aden de hian bui.

Gei heie e heie su dansu i, i hian de i momen, be sengen aden i hian de i momen. Homo de danen hedi sengen le borndrui bui.