Popular Bible Verses from Luk 21

Share

Babɛrɛ nu sɛnsɛn kegbu mɨnɛ rɔbɔ nu njɔm ya minfɔnɔ mintigiri koci birɛ mbi fɛb mbi bɛkɔjagi, mɨnɛ minyɛ mimbara na rɔsɔ Wɔ Oni.”

Nsu jɨba nu bɔkpaju bonua, mɨnɛ babɛrɛ nu rokpin ronua. Kadi nu mɨnɛ miŋɔ minciacia. Kakubɛ nu kegbu kenua minfɔnɔ ratanɛ na botima mimbaŋa rokpin ronua. Ara minsi kanya reyi kandi kurɛbɛ nu gbɨna.

Bara nu tɨmisi, mɨnɛ kuminyaŋɛ bɔkpaju bonua.

Ndi kunjɛ nu ramu na nkatid kɔgbɨri mbu minkɔtanɛ, bani ɛban banua bayɛŋɛ kɔkpɛnɛ mbu minkɔtanɛ mɨnɛ bayɛŋɛ kɔkanɛ ya minkitanɛ kpikpɛ.

Kaju na rɔcɛ kukacia, nsu ramu ramia raciŋɛ.

“Boriŋ kubotumɛ na royi, kɔfɛ na borunku. Na rokuku, irɛ kuitumɛ na ifiri, bofu kubosi bani aya ija irɛnɛ ikɔnyɨŋanɛ mɨnɛ bagbɨra mbu bakosi. Bani kubacɛrɛ na bofu aya bafumanɛ mbu bokowu na rokuku, fɛŋɛ nsɨm ŋɔ ɔra na kaju-rɔja kuɔnyɨŋanɛ. Na kegbu bakɔfɛ Wɔ Oni oŋuɛ na kaju-rɔja na nsɨm mɨnɛ na ɔkɨmkɨm boyi.

Oni naŋɔnɛ kuotumɛ na ɛban na anu ndi minyɛgɛ mi.

Rɔcɛ kurɔŋarɛnɛ, ŋbɔ, bokukubi ifiɛ kuiju bani na kwa eciecii, mɨnɛ birɛ bofu na ɔkɨmkɨm eriŋ kuɛkɔgɛ na kaju-rɔja.

Ara minfugɛ bani bajuŋɛ raku mɨnɛ bajuŋɛ na bacɛmɛ, kafɔnɔ nu bofu. Birɛ mbi kubɛbɛrɔsɔ bɛjaga, nsu nkpakurɛ kɛtɨbi kegbu kekigikunɛ.” Oruŋɛ rɔsɔ na kɔtanɛ kɔmɔ: “Irɛ irɛnɛ kuiju reku na bacɛmɛ, mɨnɛ bani mbɛ bara irɨma ntunɛ ɔkɨm ŋɔnɛ kubaju na bani mbɛ bara irɨma ntunɛ ɔkɨm ojuju.

“Boriŋ kubotumɛ na royi, kɔfɛ na borunku. Na rokuku, irɛ kuitumɛ na ifiri, bofu kubosi bani aya ija irɛnɛ ikɔnyɨŋanɛ mɨnɛ bagbɨra mbu bakosi. Bani kubacɛrɛ na bofu aya bafumanɛ mbu bokowu na rokuku, fɛŋɛ nsɨm ŋɔ ɔra na kaju-rɔja kuɔnyɨŋanɛ.

Oruŋɛ rɔsɔ na kɔtanɛ kɔmɔ: “Irɛ irɛnɛ kuiju reku na bacɛmɛ, mɨnɛ bani mbɛ bara irɨma ntunɛ ɔkɨm ŋɔnɛ kubaju na bani mbɛ bara irɨma ntunɛ ɔkɨm ojuju.

Ɔkanɛ bɛ ya: “Babɛrɛ nu bɔkpaju bonua bakagbɔgɛ nu. Ndi ecii kubawu na rirɨna rimia, ya ami Krais, mɨnɛ, kegbu kekunɛ. Kanyɛgɛ bɛ nu.