Popular Bible Verses from YOANO 14

Share

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Mbunge jenu kanda jilipikala: nwafuliela Zambi, fulielenu yami nawa.

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoze uli ni shimbi jami, wakujifunga, mwenawo wakunguzanga; ni yoze wakunguzanga, kumakamuzanga kuli Tata, ni yami mungumuzanga, mungulisolola kuli iye.

Mungukalemba kuli Tata, iye kumakanwaha Chikwashi mukwo, hanga akapwe hamwe ni yenu ndo ku miaka ya mutolo. Iye Spiritu ya umwenemwene: mwenawo akwa hashi kahashile kumutambula; mumu keshi kumumona, chipwe keshi kumunyingika; alioze yenu nwakumunyingika; mumu katwama hamwe ni yenu, iye kumakapwa muli yenu.

Cheswacho munwita mu jina liami, kumunguchilinga, hanga achichimieke Tata muli mwe Mwana. Kachi munwita chuma chimwe mu jina liami, kumunguchilinga.

Kachi nunanguzange, fungenu shimbi jami.

Mu zuwo lia Tata muyili yipatulo yinji; kachi hi chocho ko, kachi nanwambulwilile. Ngunayi mukunululikila muhela.

Nyi kachi munguya mukunululikila muhela, kachi mungwiza cheka nawa, mungukanutambula kuli yami mwene: hanga kuze yami nguli, kuze kwene ni yenu nawa nukapwe.

Tomase yamba kuli iye ngwenyi, Mwene, kutwanyingikine kuze muoya; ngwe kuchi mutuhasa kunyingika jila?