Popular Bible Verses from 1Mos. 17

Share

Kateteret si Abram ainia siba pulu siba ngarura, patoilanangan tubunia si TUHAN katubunia samba kuanangan, “Aku te Taikamanua Sipulugege. Retdet tibo'etKu samba galaiake siobagat bagaKu simareirei.

Lulut nenda onim ta'an si Abram, tapoi si Abraham.

Kususunnake le geti palelenganKu katubum samba ka sapunuteteunu, siprereddenan, samba palelengan nenda tamasususu'. Aku ibailu Taikamanuam samba Taikamanuan sapunuteteunu.

“Nene te palelengan sigalaiKu pasamba ekeu: Kupalelek le, ibailiu le geti ekeu taikebbukat bangsa simigi.

Tapoi kuanangan Taikamanua, “Taa. Sinanalepnu si Sara itutu'tuake te geti matat tatoga simanteu samba oniakenungannia geti si Ishak. Kureddet le geti palelenganKu pasamba toga nenda samba sapunuteteunia teret buru-buru. Palelengan nenda tamasususu'.

Kuaake le geti katubum samba ka sapunuteteunu, polak nene, kuddujietnu kineneiget sibailiu sirimanua sitoi. Sangamberi polak Kanaan ibailiu le geti bakkatda sapunuteteunu teret buru-buru samba Aku ibailiu le geti Taikamanuandra.”

Lepa pulukkuknangan si Abraham, tapoi mugaga samba ikua le kapaatuatnia: “Kaipa te iooi ibara sara tatoga katubut sara simanteu sangotu ngarura? Kaipa te iooi itutuake matat tatoga si Sara siba pulu ngarurangannia?”

Lepa geti kuanangan Taikamanua kai Abraham, “Ba'an sosogai minca onin sinanalepnu si Sarai; barania kineneiget oninia Sara.

Barania kineneiget buita tusunat senen tatoga simanteu sipurura balu ngagogoi, samba sapaguguletnu sipututumata ka lalepnu ele sisakim.

Tapoi palelenganKu, Kuaapre le geti pasamba si Ishak, togam itututuake geti Sara, karura kamata kagogoi kele nene leuet.”

Sunat nenda ibailiu le geti toggaiat ka palelengan katalagat Aku samba ekeu. Senen sirimanua buita tusunat, samba nenda ibailiu le geti toggaiat pupolangan masipakoinong, palelenganKu pasamba ekeu nenda tamasususu'.