Popular Bible Verses from Luk. 8

Share

Sibebele ka polak simaeru ia te sipasiaarep tiboiet, kupkupmakerangan nia ka paatuat simaeru, pubuarangan ka puoman baga.”

Sibebele ka talagat rui, ia te sipasiaarep tiboiet, tapoi kalulut aiokkip nia karat baga samba pukayoat samba obat tubu ka purimanuaiat polak, taiomakenangan imara buania.

Karamen sibebele ka polak simabukku, ia te sirimanua, kele araarep tiboiet, alarangan nia ka angkat baga. Tapoi ta muungat sia, ta matom tonem bagada, bara ibara pasisiboat siksikrangan teiteira.

Kuanangan ka matada sipasiuluinia, “Kaipa nia tonem bagamui?” Malotorangan samba tenan le kisei ka bagada, kuarangan pasasambada, “Kasei le pa sirimanua nene? Ase iase rusa samba onu, reddet ireddet ngangania!”

Sibebele ka enungan, ia te sirimanua sipasiaarep tiboiet, lepa oi Sanitu, alanangan tiboiet ka paatuatda, bui imatonem bagada, bui rapurimanua.

Aipoi ta anai simalipput taitotoilaakenen, samba ta anai pakeleat taimaagai samba taipopoilianen geti.

Kele aiagai sinanalep amaagaian sigalainia, oi nia aimugegeret tubunia, purapponangan ka matat Jesus, tiboinangan ka matada sirimanua simigi lulunia airape Jesus, samba aimale ka teteret nenda leu et. Kuanangan ka matania Jesus, “Rogai, aiarauakean ekeu tonem bagam. Toiliakean ekeu ka angkat baga.”

Ei sipasiuluinia masigeugeu nia kuarangan, “Guru, Guru, mamatei sita!” Tusurunangan Jesus, asenangan rusa samba onu sipujajaa, malebaknangan.