Popular Bible Verses from Mrk. 13

Share

Rapulalagaki te kam baga sirimanua kalulut oningku. Tapoi siomake nia teret kalepakatnia, nia te maaarau.”

Oto suksuk kam, pumata kam, ta poi nuagai kam teterenia.

Samba ke raambit samba rasegeake kam ka pasiukuman, bui imakarat bagamui pagalaiat tiboakenenmui, tapoi apa sipanguruatnakenen ka kam ka teterenia nenda, ia te nutitiboake kam. Aipoi ta kam maninibo, Ketsat Sipunenan le.

Manua samba polak tatata le, tiboietku geti ta tatata buru.”

“Tapoi gogoi samba jamnia geti ta anai siagai nia, beri samalaika ka sorga, beri Toga leu, sarat Ukkui le siagai nia.

Ke nuarep kam gururuu pasaggangan samba katuareman pasaggangan bui ipakaddo kam. Kirenangan muaaili sangamberinia nene, tapoi tapei nenda kalepakatnia.

Oto pumata kam, aipoi ta nuagai kam pigamoi itoili si tuan sibakkat lalep – ele kasoibokat, ele tengamoi, ele tokki gougou, ele simancep. Ke moi nia sinulut, bui iaili kam ai kam memerep. Sikuaku ka matamui nene, kukua leu ka sangamberi sirimanua: pumata kam!”

Pasasaggak poi bangsa ka bangsa, purimataat ka purimataat. Babara ngeungeu polak ka senen kudduat, samba babara pulajeat. Sangamberinia nene panandaat paoreat pei le.

Tapoi Katuareman Simaeru buita tusegeake boiki ka sangamberi bangsa.

Maigi poi siooi masipuoni oningku kuarangan, ‘Aku te nia!’ pepeakerangan maigi sirimanua.

Tapoi kam ka kam, pagaba kam tubumui! Rasesegeake poi kam ka rapat sabeu samba rabobo kam ka uma parurukat. Paambitrangan kam ka matada sipasiukum samba ka tai rimata kalulut aku, bule ka enungan nene numunengake kam aku ka matada.

Muoottou poi sipukristus tubuna samba sipunabi tubuna. Galairangan kerek samba kiseiet, pat moi bai nia samba sia sipili leu rapepepeake.

“Ka teterenia nenda pasat paoreat, magepgepnangan matat sulu, taiputoronangan laggo, bele ibele panyanyat sibara ka manua, mangeungeunangan leu ron manua.