Popular Bible Verses from YOHANE 8

Share

Mompau woʼu i Yesu ndatoʼoka tau sondo Ndatoʼo, “Yakumo reme lino. Tau anu mangalulu Yaku bareʼe da melinja ri ntongo mbani, paikanya da mampotumpu reme ngkatuwu.”

Komi da mangaincani Pue Ala anu monco, pai inceʼemo puʼunya komi da ndasorepaka.”

Ungka lairia ndatoʼo i Yesu ri waʼa nto Yahudi anu meayamo ri Sira, “Ane todo komi mangalulu anu Kupaguruka komi, mewalimo anaguru-Ku anu monco komi.

Inceʼe puʼunya, ane i Ana anu mancorepaka komi. Komi monco-monco kojo tesorepaka.

Ua napari-pari ntau seʼe, painaka mengoa Sira ndatoʼoka tau seʼe, “Tau anu bereʼe salaanya ri oyomi, mbolimo siʼa anu da mawunu mbatu riunya weʼa setu.”

Ndatoʼo i Yesu ri tau seʼe, “Monco kojo anu Kutoʼoka komi seʼi, tau anu mampowia salaa inceʼe napowatua ncalaa.

Nepa mengoa i Yesu ndatoʼoka weʼa setu, “Mbeʼimo waʼa ntau seʼe pura-pura? Bereʼe anu mampetisala siko?” Mesono weʼa setu, “Bereʼe Guru!” Ndatoʼo i Yesu, “Madago, Yaku seʼe bareʼe da Kupetisala siko. Seʼi-seʼi palaimo, pai neʼemo nupowia salaa.”]