Popular Bible Verses from लूका 12

Share

तुँऐं भे तैयाँर रंह्, किन्देंखे के जैसी बख्त्ते तुँऐं सुच्ची भे ने थई हलो, तैसी ही बख्त्ते आदमी का बैटा आँदा।”

ईन्देंखे पंण्मिश्वर के राज्य की खोज-ताक दे रंह, तअ ऐजी बादी चीजो भे तुओं भेटी ज़ाली।

तबे प्रभू यीशू ऐ लोगो खे बुलो, “च़ौक्क्ष रूऐ! ऐक नाँम लोभ-लाल़्च शे बंच्चै; किन्देंखे के कोसी कैई भाँव कैत्ती भे धन-संम्पत्ति हली, तबे भे तैस्के जीवन की कंम्मी तियों धन-संम्पत्ति लंई पुरी ने हंदी।”

किन्देंखे के जेथै तुवाँरो धंन हलो; तैथी ही तुवाँरा मंन भे लागा रंह्दा।

फिकर करियों तुओं मुँझी ऐशा कुँण असो; जू आप्णी बारी-ऊँमर ऐक घड़ी भर भे बड़ाऐ सको?

तबे प्रभू यीशू ऐ आप्णे चैले खे बुलो, “हाँव तुँओं खे ईन्देंखे बुलू, के आप्णे पराँणों जीवन का फिकर ने कोरे; के ऐबे आँमें का खाऊँबे, अरह् ना आप्णी देह्-शरीर का फिकर कोरे, के ऐबे आँमें का बाँम्बुबे।

होर, तुवाँरें मुंडो के बादे बाल़ भे गिणे अंदें असो; ईन्देंखे डरे ने, तुँऐं भहित्ती पालोईटी शे भे जादा किम्त्ति बढ़ियों असो।”

“ओ, छुटा दल़! डरे ने; किन्देंखे के तुवाँरे स्वर्गो के बाबा के ऐजो भाऐ रूओ, के तुओं खे राज देंणों।

अरह् देई कोऊवे चंच्चैटू का खयाल करह्, से ना तअ किऐ बाँदें-बोंदे, अरह् ना किऐ लुण्दे-सलाँदें, तिन के ना तअ कुँठार-कुँठारी आथी, अरह् ना किऐ खल़ा-खल़ियाँन आथी; तबे भे पंण्मिश्वर तिन कैई शो खाँणों खे खियाँव; तबे भे तुऐं तअ तिनू कोऊँवे-चंच्चैटू शे कैथी जादा बड़ियों असो।

ईन्देखे तुऐं भे ऐसी खोज-ताक दे ने रूऐ, के आँमें का खाऊँबे, अरह् का पींऊँबे, ऐजा फिकर ने करे, अरह् ना किऐ ईन्दा शंक-शुभा करे।

ईन्देंखे जे पंण्मिश्वर घास भे ऐत्रों शुभाल़ो बाँणों; जू ऐत्तलो तअ ज़ूब्ड़ी-पाट्णों दो असो, अरह् दोत्ती ही तैथू आगी मुँझी पाऐ देंईदो; तअ ओ, बै-बिश्वाषियों! तअ तबे से तुओं कैई शे आच्छे खोट्णों बंम्बाऐयो शुभाल़े कैई ने बाँण्दा।

ऐशो किऐ भे खट्टो अंदो ने आथी, जुण्जो ऊँडो ने खुलो ज़ाँव; अरह् ऐशो किऐ भे च़ूप्पी ने आथी जुण्जो पर्गट ने कोरो ज़ालो।