Popular Bible Verses from लूका 15

Share

“तबे से बीऊँजियों आप्णें बाबा के घरह् के ढबे चाल पड़ा, अरह् से घरह् शा दुरका ही थिया; के तैस्के बाबा ऐं तैसी दुर्के शा ही दें:खी पाया, अरह् सेजा बाबा दया-रंय्म शा भर गुवा; अरह् तेने बीच़्ड़ियों ज़ाऐयों, तैसी आप्णें बैटे दी हंगाल़ दिती, अरह् तैसी खुप्टाऐ-खुप्टाऐयों पाया।

किन्देंखे के मेरा ऐजा बैटा मंरी जिया रूवा थिया, ऐ पाऐ रूवा थिया; परह् ऐबे हजो पाछू भेटी गुवा, अरह् से आँनन्द-खुशी मंनाँदे लागें।’

हाँव तुँओं खे बुलू, के ऐष्णों ही ऐक मंन बद्ल़णों वाल़े पापी के बारे दे स्वर्गो दे भे खुशी मंनाऐ ज़ाली, किन्दें खे के तिनू निनाँणूऐ झ़ुणें जुण्जे आपु खे धर्मी जाँणों, तिनके मंन दा ऐजा ख्याल हों, के आँमों खे मंनबद्ल़णों के जरूरत ने आथी।

हाँव बीऊँजियों आप्णें बाबा कैई पाछु ज़ाँऊ, अरह् तिन खे बुलूबा, के ‘हे बाबा! मुँऐं स्वर्गो के पंण्मिश्वर अरह् तुवाँरे बिरूध दा पाप करी थुवा।

तबे तेने बैटे ऐ बुलो, ‘हे बाबा! मुँऐ स्वर्गो के पंण्मिश्वर, अरह् तुवाँरे बिरूध दा पाप करी थुवा; ऐबे हाँव तुवाँरा बैटे बंण्णों ज़ुगा ने रंऐ रंई।’

“जे तुँओं मुँझी कोसी कैई षौ भैड़ो हों; अरह् तिन मुँझ्शी ऐक भैंड़ पाऐ ज़ाँव, तअ कियों से तिनू निनाँणुऐं भैंड़ो जाँगल़ो दी छ़ुड़ियों, तियों पाई अंदी ऐक भैंड़ जुह्दा जाँदा ने; कियों से ताँव तोड़ी जुह्दा ने, जाँव तोड़ी सेजी पाऐ अंदी भैंड़ भेटी ने ज़ाँव?