Popular Bible Verses from मरकुस 5

Share

प्रभू यीशू ऐ तियों तिरंई खे अज्ञाँ दिती, “बेटी तेरे बिश्वाष ऐ ताँव चाँगी करी थऐ, शाँण्त्ति शी ज़ा, अरह् आछी रंह्।”

तियों भीड़ो मुँझी ऐक तिरंऐ थी, जिंयाँरे बारह् सालो शा ऊबा लह्ऊँ ढाल़ा थिया। तिऐं कऐ बेदो जड़यारे, कैई शी आप्णी बीमारी दे:खाऐ, अरह् आप्णी बादी कमाऐ बीमारी दे लाऐ, परह् तियाँरे किऐ फाय्दा ने हई, परह् तियाँरें तअ ऊबा-ऊबी हऐ।

प्रभू यीशू का पाला छूदें ही तियाँरा लह्ऊँ ढाल़ा तेख्णी खत्त्म हुवा; अरह् तिऐं चग्री पाव के हाँव हेबी आप्णी बीमारी शी चाँगी हऐ गऐ।

अरह् प्रभू यीशू ऐ तियों धियाँन्टी का हाथ थाँम्ब्ड़ा अरह् बुलो, “तलीता कूंमीं”! जिन्दे का मतल्व असो, “ओ धियाँण्टी मुँऐ ताँव खे बुली लो, के ऊबी बिऊँज”।

जबे प्रभू यीशू ऐ ऐजो बुली ही लो थियो, तअ तेसी याईर यहूदी-च़ौंतरे के नंम्बरदार के घर शे लोग आऐ, अरह् तेस्खे बुलो, “तेरी बेटी मरी गऐ, ऐबे गुरू जी, परीशाँन ने करे।” प्रभू यीशू मसीया ऐ ऐजो शुणियों तेसी यहूदी-च़ौंतरे के नंम्बरदार खे बुलो, “डरे ने सिर्फ बिश्वाष थों।”

किन्देंखे के तेस्खे प्रभू यीशू ऐ बुलो थियों, “ओ दुष्ट-आत्त्मा, ऐसी आदमी शी नीकल़ी ज़ा!” प्रभू यीशू ऐ तेच्छ़ौ पुछो, “तेरो नाँव का असो”? तेने बुलो, “मेरो नाँव सेना असो, किन्देंखे के आँमें बैजाऐ असो।”