Popular Bible Verses from યોહાન 1

Share

પુંણ ઝેંતરવેં હેંનેં ગરહણ કર્યો, અનેં હેંના નામ ઇપેર વિશ્વાસ કર્યો હેંનં બદ્દનેં પરમેશ્વર ન બેંટા-બીટી થાવા નો અધિકાર આલ્યો.

દુન્ય બણવા થી પેલ વસન હેંતું, અનેં વસન પરમેશ્વર નેં હાતેં હેંતું, અનેં વસન પરમેશ્વર હેંતો.

વેયુ ઇજવાળું ઇન્દારા મ ભભળે હે, અનેં ઇન્દારું હેંનેં ઉંલવેં નેં સક્યુ.

અનેં વસન એક માણસ બણ્યો, અનેં અનુગ્રહ અનેં હાસ થકી ભરપૂર થાએંનેં મનખં ના વસ મ વઇહો, અનેં હમવેં હીની ઇવી મહિમા ભાળી, ઝેંમ પરમેશ્વર ની તરફ થી આવેંલા એક ના એક બેંટા ની મહિમા.

હેંનેંસ દુવારા દુન્ય બણી, અનેં ઝી કઇ બણાવેંલું હે, આખી દુન્ય મ હેંનેં વગર કઇસ ઇયે નહેં બણ્યુ. હેંનેં મ જીવન હેંતું, અનેં વેયુ જીવન મનખં કનેં ઇજવાળું લાયુ.

બીજે દાડે યૂહન્નાવેં ઇસુ નેં પુંતાનેં હામેં આવતં ભાળેંનેં કેંદું, “ભાળો, આ પરમેશ્વર નું ઘેંઠું હે, ઝી દુન્ય ન મનખં ના પાપ સિટી કરે હે.”

વેયો દુન્ય મ હેંતો, અનેં દુન્ય હેંનેં દુવારા બણાવા મ આવી, તે હુંદું દુન્ય ન મનખંવેં હેંનેં નહેં વળખ્યો. વેયો પુંતાનં મનખં કનેં આયો, પુંણ હેંનેં પુંતાનં મનખંવેં ગરહણ નહેં કર્યો.

હાસું ઇજવાળું વેયુ હે, ઝી દુન્ય ન બદ્દ મનખં નેં ઇજવાળું આલે હે, વેયો દુન્ય મ આવવા નો હેંતો.

એંતરે હારુ કે નિયમ તે મૂસા નેં દુવારા આલવા મ આયુ હે, પુંણ પરમેશ્વરેં ઇસુ મસીહ નેં દુવારા અનુગ્રહ અનેં હાસ વતાડી.