Popular Bible Verses from Juan 17

Share

Jee saꞌá ya̱ kusɨ́ɨ́n ráa ya̱ nkɨ́ꞌɨ ráa ka̱ꞌ nu̱u̱nꞌ ya̱ niva̱ꞌa jee kɨtíñú ráa nu̱u̱nꞌ nú jie̱ꞌe̱ꞌ ya̱ naáꞌ nú, chi tu̱ꞌun nú máá tu̱ꞌun na̱a̱ꞌ kúvi‑i.

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

’Soo nsú kua̱chi kuitɨꞌ jie̱ꞌe̱ꞌ rá ñɨvɨ yaꞌá ví ya̱ jíkánꞌ táꞌvíꞌ ni̱ꞌ nu̱u̱nꞌ nú, chi suni jíkánꞌ táꞌvíꞌ ni̱ꞌ jie̱ꞌe̱ꞌ rá ñɨvɨ ya̱ sukuán kuneí iniꞌ ráa nuꞌuꞌ jie̱ꞌe̱ꞌ tu̱ꞌun kachitu̱ꞌún rá te̱e yaꞌá jie̱ꞌe̱ꞌ nuꞌuꞌ. Jee jíkánꞌ táꞌvíꞌ ni̱ꞌ jie̱ꞌe̱ꞌ ráa ya̱ ɨɨn ni kuvi ráa, kuéntáꞌ maánú, Tátáꞌ ni̱ꞌ, chi yɨ́ꞌɨ́ nú iniꞌ nuꞌuꞌ, jee yɨ́ꞌɨ́ ni̱ꞌ iniꞌ noꞌó, jee suni sáva sukuán kɨꞌɨ ráa nu̱u̱nꞌ‑ó, sáva kuniꞌ rá ñɨvɨ ñɨ̱vɨ́ jee ji̱nu̱ꞌ iniꞌ ráa ya̱ maánú ví ya̱ nchu̱ichí nú nuꞌuꞌ va̱ji ni.

’Soo nsáꞌ jíkánꞌ táꞌvíꞌ ni̱ꞌ ya̱ tavaꞌ nú ráa iniꞌ ñɨ̱vɨ́ yaꞌá, chisaꞌ káchíꞌ ni̱ꞌ ya̱ kumí nú ráa nu̱u̱nꞌ maá kui̱ꞌna̱ꞌ kúñáꞌnú.

Jee suni kuéntáꞌ ntaji nú tiñu kúñáꞌnú nu̱u̱nꞌ nuꞌuꞌ, jee suni sukuán njia̱ꞌa ni tiñu kúñáꞌnú nu̱u̱nꞌ ráa kuniso ráa, sáva ɨɨn ni kuvi ráa, kuéntáꞌ maánú jín nuꞌuꞌ. Nuꞌuꞌ, jee yɨ́ꞌɨ́ ni̱ꞌ iniꞌ ráa, jee noꞌó, yɨ́ꞌɨ́ nú iniꞌ nuꞌuꞌ, sáva kenta kuna̱a̱ꞌ nuún koo iniꞌ ráa, sáva kuniꞌ rá ñɨvɨ ñɨ̱vɨ́ ya̱ maánú nchu̱ichí nú nuꞌuꞌ, jín ya̱ ñúnúunꞌ nú ráa kuéntáꞌ ñúnúunꞌ nú nuꞌuꞌ.