Popular Bible Verses from Juan 3

Share

’Chi na̱ ka̱ꞌ vá ñúnúunꞌ ka̱ꞌ Ndiosíꞌ ñɨvɨ ñɨ̱vɨ́, saáva njia̱ꞌa re̱ꞌ Se̱ꞌya métúꞌún re̱ꞌ nkiji‑i, sáva nta̱ká rá ñɨvɨ ya̱ kúneí iniꞌ ráa maa, jee nsáꞌ kɨ̱naanꞌ ráa, chisaꞌ kutekuꞌ ráa nɨ́ɨ́nkání jín re̱ꞌ.

Chi nsáꞌ nta̱jí Ndiosíꞌ Se̱ꞌya re̱ꞌ iniꞌ ñɨ̱vɨ́ yaꞌá sáva sijíta re̱ꞌ rá ñɨvɨ ñɨ̱vɨ́, chisaꞌ nta̱jí re̱ꞌ Se̱ꞌya re̱ꞌ sáva saꞌá re̱ꞌ ya̱ sikáku Se̱ꞌya re̱ꞌ ráa sáva ntu síjíta re̱ꞌ ráa jie̱ꞌe̱ꞌ kua̱chi ráa.

Saájee nna̱xiníkó Jesús jee nkachiꞌ‑i nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ nu̱u̱nꞌ Ndiosíꞌ, jee ni̱ꞌ nsáꞌ kúvi kuniꞌ‑i na̱ kúvi ya̱ kɨꞌɨ‑ɨ naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑u ―nkachiꞌ Jesús.

Jee ñɨvɨ ya̱ kúneí iniꞌ‑i Se̱ꞌya re̱ꞌ ntu níta‑a. Soo ñɨvɨ ya̱ ntu̱ví kúneí iniꞌ‑i Se̱ꞌya re̱ꞌ jee ya̱ ni̱ta‑a, chi ntu̱ví nkúneí iniꞌ ráa máá Se̱ꞌya métúꞌún Ndiosíꞌ.

Jee suꞌva jíta ñɨvɨ. Maáréꞌ ya̱ kúvi kuéntáꞌ ñuꞌunꞌ ya̱ nkiji‑i iniꞌ ñɨ̱vɨ́ yaꞌá. Soo nñunu̱u̱nꞌ rá ñɨvɨ ñuunꞌ neenꞌ ya̱ kúvi tiñu niváꞌa nsú káꞌ ya̱ kúvi ñuꞌunꞌ vá, chi tiñu sáꞌá ráa ví ya̱ niváꞌa.

Chi saá íyó kukueꞌeꞌ ka̱ꞌ kúñáꞌnú Jesús, jee nuꞌuꞌ chi saá íyó nuyakuꞌ ka̱ꞌ tiñu níso nuꞌuꞌ.

Chi nta̱ká rá ñɨvɨ ya̱ sáꞌá rá tiñu niváꞌa, jee táꞌvi iniꞌ ráa néꞌyá ráa ñuꞌunꞌ vá, jee ntu nátuꞌva ráa ñuꞌunꞌ vá, sáva ntu nátúvi nu̱nijínꞌ ya̱ niváꞌa ví tiñu sáꞌá ráa.

Jee ñɨvɨ ya̱ kúneí iniꞌ‑i Se̱ꞌya Ndiosíꞌ jee ni̱ꞌi̱nꞌ‑i ya̱ kutekuꞌ‑u nɨ́ɨ́nkání jín Ndiosíꞌ. Soo ñɨvɨ ya̱ ntu káníjiá kuneí iniꞌ‑i Se̱ꞌya Ndiosíꞌ, jee ni nsáꞌ kuniꞌ‑i na̱ kúvi ya̱ kutekuꞌ‑u nɨ́ɨ́nkání jín Ndiosíꞌ.

Kuéntáꞌ nkuvi sáá nsi̱káa Moisés nte̱kaa re̱ꞌ ɨɨn ko̱o̱ꞌ ka̱a nu̱u̱nꞌ yutun nu̱u̱nꞌ ñu̱ꞌún saɨn, jee suni sukuán íyó sikáa ñɨvɨ tekaa ráa nuꞌuꞌ nu̱u̱nꞌ yutun, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Chi Ndiosíꞌ ya̱ kúvi Tátáꞌ jee ñúnúunꞌ re̱ꞌ Se̱ꞌya re̱ꞌ jee nɨꞌɨ nna̱chiꞌi re̱ꞌ naꞌá Se̱ꞌya re̱ꞌ.