Popular Bible Verses from Lucas 12

Share

Jee suni ránoꞌó nito koo rán satúꞌva rán maárán, chi máá hora ya̱ ntu ñúꞌún iniꞌ rán jee niji ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Soo nukú ki̱vɨ naꞌá Ndiosíꞌ ya̱ tatúníꞌ re̱ꞌ nu̱u̱nꞌ rán, jee rá nantíñú yaꞌá taji re̱ꞌ nu̱u̱nꞌ ránoꞌó.

Jee suni nkachiꞌ re̱ꞌ nu̱u̱nꞌ rá ñɨvɨ: ―Nito koo rán jee kumí noo rán maárán ya̱ koto nééꞌ u̱ꞌvi̱ꞌ iniꞌ rán, chi rá nantíñú kue̱ꞌe̱ꞌ kúmí ɨɨn ñɨvɨ ntu sáꞌá‑a ya̱ kutekuꞌ ñɨvɨ vá ―nkachiꞌ Jesús.

Chi ne̱ nu̱u̱nꞌ íyó taꞌvi rán, jee yukuán kúvi nu̱u̱nꞌ kuꞌun iniꞌ ánímaꞌ rán jie̱ꞌe̱ꞌ‑e ―nkachiꞌ Jesús

Jee, ¿né ɨɨn ránoꞌó retú nániꞌvɨꞌ nívini iniꞌ‑i jee á kuvi sikuéꞌnu‑u maáa kusúkún‑u ɨɨn yɨ̱kɨ kání ka̱ꞌ rúja?

Saájee nkachiꞌ Jesús nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa: ―Saáva káchíꞌ ni̱ꞌ nu̱u̱nꞌ rán ya̱ koto nániꞌvɨꞌ iniꞌ rán jie̱ꞌe̱ꞌ na̱ja kutekuꞌ rán, va̱ni jie̱ꞌe̱ꞌ rénákúvi ya̱ kajiꞌ rán, jee koto nániꞌvɨꞌ iniꞌ rán jie̱ꞌe̱ꞌ yɨkɨkúñu rán, va̱ni ré jie̱ꞌe̱ꞌ na̱ saꞌma kuꞌun rán.

Jee ne káꞌ ví ránoꞌó rúja, chi ne̱ nɨꞌɨ kuitɨꞌ rá ixi xíníꞌ rán ya nkaꞌvi Ndiosíꞌ. Jee saáva koto yúꞌví rán, chi yɨ́yáꞌvi nasɨ́kuitɨꞌ rán ka̱ꞌ nu̱u̱nꞌ re̱ꞌ nsú káꞌ kue̱ꞌe̱ꞌ rá saaꞌ yáꞌá kuáchí ―nkachiꞌ Jesús.

’Koto yúꞌví rán, ránoꞌó ya̱ kúvi rán kuéntáꞌ yakuꞌ lanchi ni̱ꞌ, chi Tátáꞌ rán Ndiosíꞌ kúváꞌa iniꞌ re̱ꞌ taji re̱ꞌ nu̱u̱nꞌ rán ya̱ ki̱vɨ rán xi̱ntíín re̱ꞌ nu̱u̱nꞌ tátúníꞌ re̱ꞌ nu̱u̱nꞌ rán.

Tɨɨn kuéntáꞌ rán rá ti̱ka̱ká, chi ni ntu jiákɨ́nꞌ rátíꞌ tataꞌ sáꞌá, jee ni ntu̱náꞌ nástútú rátíꞌ, ni ntu̱náꞌ íyó nu̱u̱nꞌ chúváꞌa rátíꞌ, ni ntu yakaꞌ rátíꞌ. Jee súnika̱ꞌ sukuán, soo maá Ndiosíꞌ síkájíꞌ re̱ꞌ rátíꞌ. Saꞌ víꞌí káꞌ yɨ́yáꞌvi ka̱ꞌ ránoꞌó nsú káꞌ rá saaꞌ.

Saáva koto nénu̱u̱nꞌ rán ná kúvi ya̱ kajiꞌ rán jín ná kúvi ya̱ koꞌo rán. Koto núkuíꞌyá iniꞌ ránú naniꞌvɨꞌ víꞌí iniꞌ rán jie̱ꞌe̱ꞌ vá.

Jee ya̱ sukuán viiꞌ nasɨ́kuitɨꞌ síkúnijin Ndiosíꞌ rá yu̱ku̱ꞌ yúkú íyó nu̱u̱nꞌ kuꞌúꞌ vitan, jee ki̱vɨ̱ꞌ steñu̱ꞌún chuꞌun ñɨvɨ maa nu̱u̱nꞌ ñuꞌúnꞌ sikáyúꞌ‑u maa, jee ya̱ sukuán síkúnijin Ndiosíꞌ yu̱ku̱ꞌ yúkú saájee saꞌ víꞌí káꞌ sikúnijin re̱ꞌ ránoꞌó ya̱ matíꞌínꞌ nijia kúneí iniꞌ rán re̱ꞌ.

Chi ni ntu̱né íyó ni ɨɨn ya̱ yɨ́séꞌí‑i ya̱ nsáꞌ natu̱vi‑i nu̱nijínꞌ. Jee suni ni ntu íyó ɨɨn ya̱ kínóo yuꞌuꞌ‑u ya̱ ni ntu kenta kuniꞌ maa.