Popular Bible Verses from Lucas 22

Share

jee nkachiꞌ re̱ꞌ: ―Tátáꞌ ni̱ꞌ, retú kuíni nú, jee siíyo nú copa yaꞌá ya̱ kúvi tu̱nóꞌó kiji kunoꞌo ni̱ꞌ. Soo koto sáꞌá nú ya̱ kuíni iniꞌ nuꞌuꞌ, chisaꞌ saꞌá nú sáni ya̱ kuíni maánú ―nkachiꞌ re̱ꞌ.

Soo nuꞌuꞌ jíkánꞌ táꞌvíꞌ ni̱ꞌ jie̱ꞌe̱ꞌ nú nu̱u̱nꞌ Ndiosíꞌ sáva níta ya̱ kúneí iniꞌ nú nuꞌuꞌ. Jee sáá nakani iniꞌ nú ya̱ nsa̱ꞌá nú jee nikó nú nu̱u̱nꞌ nuꞌuꞌ saájee nasáneí nú iniꞌ ánímaꞌ rá ñanitáꞌán nú kuiñɨ ni̱ꞌin ráa ―nkachiꞌ Jesús.

Jee ntɨɨn re̱ꞌ ɨɨn i̱xta̱tíláꞌ jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, jee ña̱ꞌnu̱ꞌ re̱ꞌ maa njia̱ꞌa re̱ꞌ maa nu̱u̱nꞌ ráa, jee nkachiꞌ re̱ꞌ nu̱u̱nꞌ ráa: ―Yaꞌá ví ñunéꞌyúꞌ ni̱ꞌ, ya̱ jiáꞌa ni̱ꞌ sáva kuviꞌ ni̱ꞌ jie̱ꞌe̱ꞌ ya̱ váꞌa kuvi ránoꞌó. Jee suꞌva kajiꞌ rán yaꞌá sáva naku̱ꞌun iniꞌ rán ya̱ níꞌiꞌ ni̱ꞌ jie̱ꞌe̱ꞌ rán ―nkachiꞌ re̱ꞌ.

Jee suni sukuán nsa̱ꞌá re̱ꞌ jín vasúꞌ ñúꞌún nixiꞌ nu̱xi uva, sáá nkuvi nku̱xíní re̱ꞌ jín ráa, jee ntɨɨn re̱ꞌ vasúꞌ, jee nkachiꞌ re̱ꞌ: ―Vasúꞌ yaꞌá ví tratúꞌ jiáá ya̱ kakɨnꞌ Ndiosíꞌ jín ni̱ñɨ̱ꞌ ni̱ꞌ ya̱ katɨ‑ɨ sáá kuviꞌ ni̱ꞌ sáva chunáán nkáꞌnú ni̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi rán.

Jee núkuíꞌyá nasɨ́kuitɨꞌ iniꞌ re̱ꞌ jee saꞌ víꞌí ka̱ꞌ kua̱neí re̱ꞌ nxi̱níꞌin re̱ꞌ jíkánꞌ táꞌvíꞌ re̱ꞌ ka̱ꞌ. Jee rá ta̱a̱nꞌ re̱ꞌ nkenta nkuvi ráa kuéntáꞌ rá yúyú ni̱ñɨ̱ꞌ náꞌnú ya̱ tóo ráa nu̱u̱nꞌ ñu̱ꞌún.

Soo ránoꞌó chi ni nkúvi sukuán jín rán. Chisaꞌ ɨɨn ya̱ kúñáꞌnú ká nteñu rán, jee íyó naxinúun‑u maáa sáva kuvi‑i kuéntáꞌ ɨɨn maá súchí ka̱ꞌ, jee ɨɨn ñɨvɨ ya̱ yósóꞌ nu̱u̱nꞌ rán íyó koo kuéntáꞌ musúꞌ ya̱ yɨ́tíñú‑u nu̱u̱nꞌ inka ñɨvɨ.

Soo nkachiꞌ Jesús: ―Pedro, káchíꞌ ni̱ꞌ nu̱u̱nꞌ nú ya̱ vitan ne̱ ntiáꞌan ka̱ꞌ kana stóꞌo, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús.