Popular Bible Verses from Lucas 3

Share

Ne̱ ntiáꞌan ka̱ꞌ kɨꞌɨ Juan veka̱a, jee sáá íñɨ́ re̱ꞌ síkuánuté re̱ꞌ ntáká rá ñɨvɨ jee nkuvi suꞌva: suni nkenta Jesús nsi̱kuánuté re̱ꞌ maa. Jee ni káꞌánꞌ Jesús jín Ndiosíꞌ, jee nine antivɨ́ súkún kuéntáꞌ yuvéꞌí, jee nki̱nkuun Ta̱chi̱ꞌ Ííꞌ nu̱u̱nꞌ re̱ꞌ kuéntáꞌ kua̱ꞌ íyó ñunéꞌyúꞌ ɨɨn paloma, jee ne̱ antivɨ́ vá nkiji nusuyuꞌú, jee káchíꞌ‑i: ―Noꞌó kúvi Se̱ꞌya ni̱ꞌ jee ñúnúunꞌ ni̱ꞌ noꞌó, jee kúváꞌa víꞌí iniꞌ ni̱ꞌ néꞌyá ni̱ꞌ noꞌó.

Soo nkaꞌanꞌ Juan jee nkachiꞌ re̱ꞌ nu̱u̱nꞌ ntáká ráa: ―Nuꞌuꞌ chi, máá naáꞌ nijia ya̱ síkuánuté ni̱ꞌ ránoꞌó jín nute kuíí ni, soo íyó kiji ɨɨn ya̱ máá kúñáꞌnú nasɨ́kuitɨꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ nanají ni̱ꞌ ñɨɨn yɨ́ꞌɨ́ ni̱jia̱nꞌ yɨ́ꞌɨ́ jie̱ꞌe̱ꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ kɨꞌɨ‑ɨ ánímaꞌ ránú [ya̱ nákani iniꞌ rán], jee rá inka rán [ya̱ ntu nákani iniꞌ rán] sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

Jee saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa. Jee saáva koto káchíꞌ rán iniꞌ maárán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham, ya̱ kaníjiá ráa re̱ꞌ.

Jee maárán, ya̱ ntu nákani iniꞌ rán jie̱ꞌe̱ꞌ kua̱chi rán, kúvi rán kuéntáꞌ yutun ya̱ ntu jiáꞌa ya̱ vixíꞌ váꞌa, jee ya íyó tu̱ꞌva hacha ya̱ keꞌneꞌ‑e ne̱ yoꞌo ntáká rá yutun ya̱ ntu jiáꞌa ya̱ vixíꞌ váꞌa jee chuꞌun maa nu̱u̱nꞌ ñúꞌúnꞌ ka̱yu̱ꞌ‑u ―kachiꞌ Juan.

Sukuán nkuvi kuéntáꞌ kua̱ꞌ káchíꞌ jie̱ꞌe̱ꞌ Juan nu̱u̱nꞌ tutuꞌ ntee Isaías te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán: Nusuyuꞌú ɨɨn te̱e ya̱ kánajíín ne̱ nu̱u̱nꞌ ñu̱ꞌún sáɨn nu̱u̱nꞌ ntu̱ví ñɨvɨ, jee káchíꞌ re̱ꞌ: “[Satúꞌva rán ánímaꞌ rán sáva koo maniꞌ rán natuꞌva rán nu̱u̱nꞌ I̱toꞌoꞌ‑ó kuéntáꞌ] satúꞌva rán ichi kiji re̱ꞌ, nasaꞌá na̱a̱ꞌ ichi kiaaꞌ re̱ꞌ.” Chi ntáká yuviꞌ kúnú nteñu rá yuku nachuchítú maa, jee ntáká yuku jín rá lomúꞌ nuun ráa nunuꞌveꞌ ráa, jee ntáká rá ichi tiákuá nuna̱a̱ꞌ ráa, jee ntáká ichi ya̱ ntu íyó nuún nuna̱a̱ꞌ nuún‑u. Sáva ntáká rá ñɨvɨ kuniꞌ ráa na̱ja sikíji Ndiosíꞌ ya̱ sikáku re̱ꞌ ñɨvɨ. Sukuán káchíꞌ nu̱u̱nꞌ tutuꞌ ntee Isaías.