Popular Bible Verses from Marcos 11

Share

Káchíꞌ ni̱ꞌ nu̱u̱nꞌ rán ya̱ nɨꞌɨ ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, i̱nu̱ꞌ iniꞌ rán ya̱ ya nni̱ꞌi̱nꞌ rán maa, jee ni̱ꞌi̱nꞌ rán maa.

Máá nááꞌ vá káchíꞌ ni̱ꞌ, ya̱ néni ɨɨn ñɨvɨ ya̱ kachiꞌ nu̱u̱nꞌ yúkú yaꞌá: “Kuiyo jee sukuíkó maánú nu̱u̱nꞌ nteñúꞌún.” Retú ntu íyó tu̱ꞌun síjiáni iniꞌ ánímaꞌ ñɨvɨ vá, soo ínúꞌ iniꞌ‑i ya̱ kuvi ya̱ káchíꞌ‑i, jee sikúnkuvi Ndiosíꞌ maa.

Jee sáá káꞌánꞌ rán jín Ndiosíꞌ, jee kunekáꞌnú iniꞌ rán jie̱ꞌe̱ꞌ néni ɨɨn kua̱chi ya̱ nsa̱ꞌá ñɨvɨ si̱kɨ̱ꞌ ránoꞌó. Saꞌá rán suꞌva, sáva suni Tátáꞌ rán, ya̱ nééꞌ re̱ꞌ antivɨ́, kunekáꞌnú iniꞌ re̱ꞌ jie̱ꞌe̱ꞌ kua̱chi rán ya̱ njia̱ꞌa nsa̱ꞌá rán nu̱u̱nꞌ tu̱ꞌun re̱ꞌ.

Jee nna̱xiníkó Jesús jee nkachiꞌ‑i nu̱u̱nꞌ ráa: ―Kuneí iniꞌ rán Ndiosíꞌ.

Jee nxi̱néꞌénꞌ re̱ꞌ rá ñɨvɨ tu̱ꞌun yaꞌá, jee nkachiꞌ re̱ꞌ nu̱u̱nꞌ ráa: ―Nu̱u̱nꞌ Tutuꞌ níso Tu̱ꞌun Ndiosíꞌ káchíꞌ ya̱: “Veꞌi ni̱ꞌ kuna̱ní veꞌi nu̱u̱nꞌ káꞌánꞌ nɨꞌɨ ñɨvɨ ñɨ̱vɨ́ jín ni̱ꞌ.” Soo suvirán nsa̱ꞌá maa ɨɨn kava rá kui̱ꞌná ―nkachiꞌ Jesús nu̱u̱nꞌ ráa.

Jee rá ñɨvɨ kua̱ꞌa̱nꞌ ichinúúnꞌ re̱ꞌ jín rá ñɨvɨ níkɨ́nꞌ ya̱ta̱ꞌ re̱ꞌ nka̱najíín ráa: ―¡Sikáku ránuꞌuꞌ! ¡Na̱ ka̱ꞌ netuꞌ ka̱ꞌ kúvi te̱e ya̱ va̱ji‑i nu̱u̱nꞌ súví I̱toꞌoꞌ‑ó!

¡Na̱ ka̱ꞌ netuꞌ ka̱ꞌ ya̱ va̱ji nakui̱ñɨ̱ꞌ re̱ꞌ nu̱u̱nꞌ tátáꞌ‑ó David sáva tatúníꞌ maáréꞌ nu̱u̱nꞌ‑ó! ¡Hosanna! Na̱ ka̱ꞌ ñáꞌnú ka̱ꞌ Ndiosíꞌ ya̱ nééꞌ antivɨ́ ―nkachiꞌ rá ñɨvɨ.