Popular Bible Verses from Marcos 7

Share

Chi ne̱ iniꞌ ánímaꞌ rá ñɨvɨ, kéne ya̱ káꞌvi kánéꞌén iniꞌ ráa: sáꞌá téní‑i jín ñɨvɨ ya̱ ntu nta̱na̱ꞌá jín‑i, sáꞌá kuíꞌná‑a, jiáꞌníꞌ‑i, kúsíkɨ́ iniꞌ‑i jín ɨɨn ñaꞌan ya̱ kúvi ñasɨ́ꞌɨ́ inka te̱e áxí jín ɨɨn te̱e ya̱ kúvi yɨ́ɨ́ inka ñaꞌan, sáꞌá úꞌvi iniꞌ‑i, sáꞌá kini‑i, xínáꞌví‑i, íyó kánéꞌí‑i, ñúꞌún úꞌvi iniꞌ‑i, káꞌánꞌ si̱kɨ̱ꞌ táꞌán‑a, sáꞌá vi̱xi̱ꞌ‑i, ntu stie̱ꞌé‑e. Nɨꞌɨ rá kánéꞌén yaꞌá kéne‑e iniꞌ ñɨvɨ, jee sáꞌá‑a ya̱ nkóo ninuꞌun ñɨvɨ vá ―nkachiꞌ Jesús.

Ntu̱náꞌ nantíñú ya̱ váji sɨ́ɨ́n ki̱vɨ iniꞌ ñɨvɨ, ya̱ sáꞌá ya̱ ntu íyó ninuꞌun ñɨvɨ vá. Soo ya̱ kéne ánímaꞌ ñɨvɨ ví ya̱ sáꞌá‑a ya̱ nkóo ninuꞌun ñɨvɨ vá.

Nna̱xiníkó Jesús nu̱u̱nꞌ ráa: ―Máá nááꞌ vá nkachiꞌ Isaías te̱e ntee tu̱ꞌun nkene yuꞌú Ndiosíꞌ nu̱u̱nꞌ Tutuꞌ Ííꞌ, sáá nkachiꞌ‑i jie̱ꞌe̱ꞌ ránoꞌó ya̱ kúvi rán te̱e sansuꞌva. Suꞌva ntee re̱ꞌ ya̱ nkachiꞌ Ndiosíꞌ: Rá ñɨvɨ yaꞌá, jín kua̱chi tu̱ꞌun káꞌánꞌ ráa jín yuꞌú ráa yɨ́ñúꞌún ráa nuꞌuꞌ, soo íyó íká ánímaꞌ ráa nu̱u̱nꞌ ni̱ꞌ.

Chi néñu̱ꞌun ka̱ꞌá ráa nuꞌuꞌ, chi tu̱ꞌun xínéꞌénꞌ ráa kuéntáꞌ kúvi tu̱ꞌun ni̱ꞌ, soo nsú tu̱ꞌun ni̱ꞌ ví, chi tu̱ꞌun tátúníꞌ rá ñɨvɨ ni ví‑i. Sukuán ntee Isaías ya̱ nkachiꞌ Ndiosíꞌ.

’Chi xínóo rán ya̱ nta̱túníꞌ Ndiosíꞌ jee néva̱ꞌa rán rá costumbre rá te̱e. [Íyótúníꞌ sá nákete rán rá ki̱sɨ jín rá taza jee sáꞌá víꞌí rán ka̱ꞌ suꞌva.]