Popular Bible Verses from Marcos 9

Share

Jee Jesús nkachiꞌ nu̱u̱nꞌ re̱ꞌ: ―¡Né núꞌ vá nkúvi ví! Nɨꞌɨ ni nu̱u̱nꞌ vá kuvi saꞌá ni̱ꞌ ya̱ kuvi nu̱u̱nꞌ ɨɨn ñɨvɨ ya̱ kúneí iniꞌ ñɨvɨ vá nuꞌuꞌ.

Kuíntañúꞌún nka̱najíín tátáꞌ te̱e súchí vá, jee nkachiꞌ re̱ꞌ: ―¡Kúneí iniꞌ ni̱ꞌ noꞌó! Chineí nú nuꞌuꞌ, sáva nakuneí ka̱ꞌ iniꞌ ni̱ꞌ noꞌó.

Sáá nki̱vɨ Jesús ɨɨn iniꞌ veꞌi, jee rá te̱e súkuáꞌa re̱ꞌ ráa ni̱ka̱tu̱ꞌún sɨ́ɨ́n ráa re̱ꞌ: ―¿Na̱kui chi ntu̱ví nkúneí ráníꞌ tavaꞌ ránꞌ ta̱chi̱ꞌ néꞌí vá? Jee nkachiꞌ re̱ꞌ nu̱u̱nꞌ ráa: ―Ɨɨn ta̱chi̱ꞌ néꞌí ya̱ íyó suꞌva, ntu kúvi tavaꞌ rán maa, retú ntu̱ví jíkánꞌ táꞌvíꞌ rán nu̱u̱nꞌ Ndiosíꞌ [jín retú ntu íyó niteꞌ iniꞌ rán].

Ya̱ váꞌa kúvi ñɨ̱ɨ̱nꞌ, soo retú nukatɨ́ ya̱ uꞌváꞌ ñɨ̱ɨ̱nꞌ, ¿ná kúvi ya̱ saꞌá‑ó sáva kuꞌu̱ꞌva̱ꞌ tuku‑u rúja? [Ntu̱náꞌ íyó kuvi sáꞌá‑ó ka̱ꞌ]. Kuvi ránú ñɨvɨ va̱ꞌa kuéntáꞌ íyó ñɨ̱ɨ̱nꞌ va̱ꞌa. Jee kuneeꞌ ñunkúún rán jín ɨɨn inka táꞌán rán ―nkachiꞌ Jesús.

―Néni ɨɨn ñɨvɨ ya̱ nu̱u̱nꞌ súví nuꞌuꞌ íyó maniꞌ iniꞌ‑i nakuatáꞌví‑i ɨɨn su̱chí lúlí kuéntáꞌ su̱chí lúlí yaꞌá, jee suni íyó maniꞌ iniꞌ‑i nakuatáꞌví ñɨvɨ vá nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví ráa nuꞌuꞌ nsú kua̱chi kuitɨꞌ nuꞌuꞌ íyó maniꞌ iniꞌ‑i nakuatáꞌví ñɨvɨ vá, chi suni íyó maniꞌ iniꞌ‑i nakuatáꞌví ñɨvɨ vá Ndiosíꞌ ranika̱ꞌ, ya̱ nchu̱ichí nuꞌuꞌ va̱ji ni̱ꞌ ―nkachiꞌ re̱ꞌ.

Chi néni ɨɨn ñɨvɨ ya̱ taji vasúꞌ nute koꞌo rán nu̱u̱nꞌ súví nuꞌuꞌ, chi yɨ́ꞌɨ́ rán nu̱u̱nꞌ ni̱ꞌ, ya̱ kúvi ni̱ꞌ Cristo, máá na̱a̱ꞌ vá káchíꞌ ni̱ꞌ, ya̱ ni nsáꞌ súkuíta ñɨvɨ vá ta̱ꞌvi̱ꞌ ku̱ꞌva Ndiosíꞌ nu̱u̱nꞌ‑u.

’Ré íyó ɨɨn su̱chí lúlí suꞌva ya̱ kúneí iniꞌ‑i nuꞌuꞌ, jee néni ɨɨn ñɨvɨ xinínkava ɨɨn rá su̱chí lúlí yaꞌá xinóo‑o ichi nuꞌuꞌ, jee íyó va̱ꞌa ka̱ꞌ ré kuꞌniꞌ su̱ku̱nꞌ ñɨvɨ vá nu̱u̱nꞌ ɨɨn yu̱u̱ꞌ molínúꞌ máá káꞌnú ya̱ síkótíyu burrúꞌ maa, jee sikéne ráa ñɨvɨ vá nu̱u̱nꞌ nteñúꞌún.

’Jee retú nchinúún nú sáꞌá‑a ya̱ kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa. Chi va̱ꞌa ka̱ꞌ ví nú ya̱ koo ɨɨn ni nchinúún nú, jee ki̱vɨ nú naꞌá Ndiosíꞌ. Chi va̱ꞌa ka̱ꞌ sukuán nsú káꞌ koo ni núvíꞌ nchinúún nú jee sukuíkó noꞌó nu̱u̱nꞌ ñuꞌúnꞌ xéénꞌ.