Popular Bible Verses from योहान 3

Share

कारण परमेश्वर नि जग ना लोकस्वर एवळा प्रेम करना कि तेनी आपला एकुलता पोऱ्या दि टाकना, कि जो कोणी तेनावर विश्वास करीन, तेना नाश नई होवाव, पण कायम ना जीवन भेटीन.

कारण परमेश्वर नि आपला पोऱ्या ले जग मा एनासाठे नई धाळना, कि जग ना लोकस्वर दंडणी आज्ञा दिन, पण एनासाठे कि जग ना लोक तेना द्वारे वाची जावोत.

येशु नि तेले उत्तर दिध, “मी तुले खरोखर सांगस, जर कोणी नवीन जन्म नई लेणार त परमेश्वर ना राज्य नई देखाव.”

जो परमेश्वर ना पोऱ्या वर विश्वास करस, तेनावर दंड नि आज्ञा नई होस, पण जो तेनावर विश्वास नई करस, तो दोषी ठहरायेल शे, कारण कि तेनी परमेश्वर ना एकुलता पोऱ्या ना नाव वर विश्वास नई ठेव.

आणि दंडणी आज्ञा ना कारण हई शे कि उजाया जग मा एयेल शे, आणि लोकस्नी अंधकार ले उजाया पेक्षा जास्त प्रिय समजनत कारण तेस्ना काम वाईट होतात

अवश्य शे कि तेनी वृर्द्धी होवो आणि मी कमी होवू.

कारण जो कोणी वाईट करस, तो उजायशी द्वेष ठेवस, आणि उजाया ना जोळे नई येत कारण कि त्या नई इच्छितस कि तेस्ना वाईट कामस्ले दाखाळा मा येवो.

जो परमेश्वर ना पोऱ्या वर विश्वास करस, कायम ना जीवन तेना शे. पण जो पोऱ्या ना नई आयकत, तो कायम ना जीवन ना अनुभव नई कराव. पण परमेश्वर ना दंड तेनावर ऱ्हायीन.”

आणि ज्या प्रमाणे मोशे नि उजाळ जागा मा पित्तय ना सापले उंचावर चडावना, त्याच प्रमाणे अवश्य शे कि, माणुस ना पोऱ्या ले बी उंचावर चळावामा येवो

परमेश्वर बाप ना पोऱ्या वर प्रेम ठेवस. तेनी सर्वा वस्तू तेना हात मा सोपेल शे.