Popular Bible Verses from Lukas 14

Share

“Si algin na bin pa mi, i ka pui si pape aparti, ku si mame, si minjer, si fijus, si ermons macu ku femia, si kabesa propi, i ka pudi sedu ña disipulu.

Kil ku ka lambu si krus pa i bin ña tras, i ka pudi sedu ña disipulu.

Tudu kil ku yalsa si kabesa, i ta baŝadu. Kil ku baŝa si kabesa, i na yalsadu.”

Asin, kualker di bos ku ka disa tudu kusa ki tene, i ka pudi sedu ña disipulu.

“Si un di bos misti kumpu kasa garandi, i ten ku sinta purmeru pa fasi konta di kil ki na gasta, pa jubi si i tene diñeru pa kabantal. Si i pui alisersu, i ka pudi kaba, tudu jinti ku ojal e na fasil trosa, e fala: ‘E omi kumsa kumpu kasa, i ka pudi kabantal!’

ma ora ku bu fasi festa, kumbida jinti pobri, manku, ku segu. Asin bu ta sortiadu, pabia elis e ka tene di pagau, ma Deus na pagau ora ki lantanda jinti justu di mortu.”

“Sal i bon, ma si i pirdi si gustu, ke ku ta pul mas pa i salga? I ka ta bali pa con, nin pa strumu; i son pa bota. Kin ku tene oreja pa obi, pa i sukuta.”