Popular Bible Verses from Marke 13

Share

Baari aso ma aje obele be obila o me. Ŋa mvuuru aje osa nkomoŋo tii ngo mamana, jwa aje ovuuha.

Lesa ayiba! Leka mwo, obila be i yaa antini a yo eje oya ni.

Ntini ma aje obira be nca anjo ma pamaŋa baari, be leka baanaŋa omono ongwo mo jaa e be leje oduha ni. Be leduhi mbari ma aje ompa be o ntini jya, obila ma aje owobo ka be ni ŋaa Oduduma Santi.

Yulu bɨla ncye ma aje oyira, okoroho mbari e me eka aje oyira ni.

Ŋa mo cuhu bɨla tari, mvuuru se omo se abaanji, se Mwana i yaa ni, o ngula taara otu.

Ntini e be leje oyuha mawobo me eta na ancya me eta, be leka monoŋo vwoho ni. Ove amoni maami maa, ŋaa ncye eka asa aje okuniŋa ni.

Ŋa lemoho, obila be i yaa cuhu onga njo aje oya ni: na ekikolo, mo otima lempiibi, o ncusu encyere si kali na encyere. Mo odɨma nde omaya na vuriha kʉru, ove nde i basaha be ma antolo ni. A me eduha be ma, me eduha na baari aso: lemoho!»

Obila nkani aje ojwana bɨla nkani okɨma. Ncye eje onyiha me ebiri kuna, bɨla njala yo mini. Eje oka mva ebaanihi mo obaani okʉla.

Ŋa ove asa tooso Ncya e Mve me esi aso.

Kuna ma aje oya o nkuumi e me, bo se ma aje oduha ndi: “Yu me!” Omana bo ma aja otaasa baari kuna.

Be lesi ayiba. Obila ma aje ompa be ma anjo mapamaŋa baari. Ma aje obeere be nca anjo mavwonoŋo. Ma aje oje na be o mwa apatima bɨla ankani, obila o me. Be leje osiisa enwa e ma me, o miisi a bo.

Obila akrisi mo oca na awobi a mbari e Njyami mo oca, ma aje otemeŋe. Bo ma aje osa andiimi a lwari bɨla epuna mo otaasa baari a Njyami amaswolo yuhu bo mabuuna.

Nca ecuhu bya o ngula mpasi yo mini jya, muuyi aje odɨma, ngondo aka ma aje ompa oyalala o nde ni. Anyari ma aje owa yulu ava, mpari eli e yulu eso eje otɨriha.