Popular Bible Verses from NINGPAWT NINGHPANG 18

Share

Dai MADU n dang galaw lu ai amu nga nga a ni? Ngai tsun da sai hte maren, ya kaw nna shata jahku du jang, ngai bai du na ring ngai, dai shaloi Sara gaw shadang sha langai mi lu na ra ai,” ngu nna tsun wu ai.

Dai majaw Sara gaw, “Ya ngai gumgai ni ai hte n-gun yawm mat ni ai, dai rai yang num la kanawn ai hta ngai naw pyaw lu na rai nga a ni? Dai sha n-ga, nye a madu wa mung dingla mat sai,” ngu nna shi kraw e mani nga ai.

Shi a amyu matu ni mung galu kaba wa nna n-gun hte hpring ai amyu tai wa na mara ai; Shi a jaw e, amyu baw ni yawng hpe ngai shaman ya na nngai.

Abraham gaw dai MADU hpang de sit sa nna, “Mara n kap ai ni hpe mara kap ai ni hte rau nang teng teng jahten kau na wu ni? Dai mare hta e mara n kap ai masha manga shi nga dam yang, dai mare ting hpe nang naw jahten kau na wu ni? Dai manga shi hpe hkye mawai la na matu mare dai hpe n ngam da na wu ni?

Dai MADU gaw, “Sodom mare hta mara n kap ai masha manga shi hpe ngai mu ai rai yang shanhte a majaw mare ting hpe ngai ngam da na we ai,” ngu nna htan wu ai.