Popular Bible Verses from YAWHAN 14

Share

“Ngwi pyaw sim sa ai gaw ngai nanhte hpe tawn da ya ma sade ai; Nye a ngwi pyaw simsa ai nanhte hpe ngai jaw made ai, mungkan ga na ni jaw ai zawn ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

Yesu gaw, “Nanhte myit hkum ru myit; Karai Kasang hpe kam mu, ngai hpe mung kam mi.

Nye a mying nsang hte nye a Wa shangun dat na ra ai Karum Ai Wa ngu ai Chyoi Pra Ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng nanhte hpe shadum shahprang na ra ai.

“Nye a hkang da ai ga ni hpe hkap la nna madat mara hkan sa ai wa gaw ngai hpe tsaw ra ai wa rai nga ai. Ngai e tsaw ra ai wa hpe nye Wa mung tsaw ra na wu ai. Ngai mung dai wa hpe tsaw ra ai hte, ngai hkum nan dai wa hpe shadan dan na we ai,” ngu nna shi hpe tsun wu ai.

Wa kaw ngai hpyi na we ai rai nna, shi mung, nanhte hte prat tup rau nga na ra ai; Shing rai nanhte hpe karum na wa langai mi hpe jaw ya na ra ai. Shi gaw Karai Kasang hte seng ai dai teng man ai lam hpe shadan dan na ra ai Wenyi rai nga ai. Mungkan ga gaw dai Wenyi hpe n mu n chye ma ai majaw, n hkap la lu ma ai. Rai ti mung nanhte chyawm gaw dai Wenyi hpe chye myit dai; hpa majaw nga yang, shi gaw nanhte hte rau rai nga ai, nanhte hta mung rawng nga ai.

Shing rai Kasha a marang e Kawa a hpung shingkang dan hkung u ga matu, nye a mying gang nna, nanhte hpyi mahpyi ngai madat ya na nngai. Nanhte nye a amying gang nna ngai kaw lama ma hpyi myit yang, hpyi ai hte maren ngai dai hpe galaw ya na nngai.

Nanhte ngai hpe tsaw ra myit dai rai yang gaw, nye a hkang da ai ga ni hpe madat mara hkan shatup na myit dai.

Nye Wa a nta e nga shara law law nga ai rai nna, nanhte a matu nga shara lajang na matu she ngai wa nngai. Dai n nga yang gaw, n nga ai, ngu nna ngai nanhte hpe n tsun ai nga na n rai.

Shing rai ngai wa nna, nanhte a matu nga shara lajang da nhtawm, ngai nga ai shara e, nanhte mung nga lu hkra, ngai bai sa nna nanhte hpe ngai hpang de woi la na made ai.

Shaloi Htawma gaw, “Madu e, nang gade sa wa nga ai hpe pyi anhte n chye ga ai mi, dai shara de du ai lam hpe anhte kaning rai chye ga ta?,” ngu nna shi hpe tsun wu ai.